మలయాళ చిత్రం ‘2018- అందరూ హీరోలే’ చిత్రాన్ని 2024లో ఆస్కార్ అవార్డు కోసం భారతదేశం పంపనుంది. ఈ విషయాన్ని ఫిల్మ్ ఫెడరేషన్ ఆఫ్ ఇండియా ప్రకటించింది. ఈ చిత్రం బాక్సాఫీస్ వద్ద భారీ కలెక్షన్లను రాబట్టింది. 2018లో కేరళలో సంభవించిన వరదల ఆధారంగా దీని కథ రూపొందించబడింది. వరదల ముందు మానవత్వం సాధించిన విజయాన్ని ఈ సినిమాలో చక్కగా చూపించారు. భారతదేశం ఈ చిత్రాన్ని ఆస్కార్‌కి పంపిన సందర్భాన్ని పురస్కరించుకుని చిత్ర నిర్మాతలు ఫుల్ ఖుషీగా ఉన్నారు. 2018లో కేరళ వరదల కారణంగా చాలా ప్రాంతాలు పూర్తిగా దెబ్బతిన్నాయి. ఈ విషాదాన్ని ఈ చిత్రం కళ్లకు కట్టినట్లు చూపించింది. విపత్తు సమయంలో మానవత్వం ఎలా గెలుస్తుందో సినిమా చూపింది.
దుబాయ్‌లో ఉద్యోగం చేయాలనే కలను నెరవేర్చుకోవడానికి అనుప్ (టొవినో థామస్) సైన్యాన్ని విడిచిపెట్టినట్లు ఈ చిత్రంలో చూపించారు. ఈ సినిమాలో జోరు వానలో కూడా పెళ్లి కార్డులు పంచుతూ కనిపించాడు. అయితే వరదలు వచ్చినప్పుడు ప్రజలకు ఎలా సాయం చేశాడనేది ఈ సినిమాలో చూపించారు. ఇది కాకుండా, ఈ చిత్రంలో ఆసిఫ్ అలీ, కుంచాకో బోబన్, లాల్, టీవీ రిపోర్టర్ పాత్రలో నటించిన జాతీయ అవార్డు గెలుచుకున్న నటి అపర్ణ బాలమురళి కూడా నటించారు.
96వ ‘ఆస్కార్ అవార్డ్స్ 2024’ వచ్చే ఏడాది మార్చి 10 ఆదివారం జరగనుంది. హాలీవుడ్‌లోని డాల్బీ థియేటర్‌లో ఈ అవార్డు వేడుక జరగనుంది. దీని ప్రపంచంలోని 200 కంటే ఎక్కువ దేశాలలో ఏబీసీ నుండి ప్రత్యక్ష ప్రసారం చేయబడుతుంది. గతంలో 96వ అకాడమీ అవార్డ్స్‌లో ఒరిజినల్ సాంగ్ విభాగంలో ‘ఆర్‌ఆర్‌ఆర్‌’ చిత్రంలోని ‘నాటు నాటు’కు అవార్డు లభించింది.