Mahesh Babu : బాలనటుడిగా ఎన్నో సూపర్ హిట్ సినిమాల్లో నటించి, దాదాపుగా అందరి స్టార్ హీరోలతో చేసి స్టార్ కిడ్ అనిపించుకున్న వారిలో ఒకడు తేజ సజ్జల. చిన్నతనం లో ఈయన పోషించిన పాత్రలు మనం ఎప్పటికీ మర్చిపోలేం. అందులో ఇంద్ర సినిమా ఒకటి. అలా ఎన్నో మర్చిపోలేని పాత్రలను చిన్న పిల్లవాడిగా ఉన్నపుడే చేసిన తేజ సజ్జల, ఇప్పుడు హీరో గా డిఫరెంట్ కథలను ఎంచుకుంటూ ఆడియన్స్ లో తనకంటూ ఒక ప్రత్యేక మార్కుని ఏర్పాటు చేసుకునే ప్రయత్నం చేస్తున్నాడు.
ప్రస్తుతం ఆయన హీరో గా నటించిన లేటెస్ట్ చిత్రం ‘హనుమాన్’ సంక్రాంతి కానుకగా జనవరి 12 వ తేదీన ప్రపంచవ్యాప్తంగా ఘనంగా విడుదల కాబోతుంది. ఈ సందర్భంగా తేజ సజ్జల అనేక ఇంటర్వ్యూస్ మరియు ప్రమోషనల్ కార్యక్రమాలను చేపట్టాడు. ఇకపోతే ఈ సినిమా విడుదల అయ్యే రోజే మహేష్ బాబు హీరో గా నటించిన ‘గుంటూరు కారం’ చిత్రం కూడా విడుదల అవ్వబోతుంది.
ఈ సందర్భంగా తేజ సజ్జల బాలనటుడిగా మహేష్ బాబు హీరో గా నటించిన ‘యువరాజు’ అనే చిత్రం నటించాడు. ఇందులో ఆయన మహేష్ బాబు కొడుకు పాత్రని చేసాడు. ఆయనతో వర్కింగ్ అనుభవం గురించి తేజ సజ్జల మాట్లాడుతూ ‘నేను యువరాజు సినిమా చేస్తున్న సమయంలో, మహేష్ బాబు గారిని ‘మగేష్’ అన్నా అని పిలిచేవాడిని. అప్పుడు ఒకరోజు నన్ను మహేష్ గారు దగ్గరకి పిలిచి, నీకు నా పేరు పలకడం రాకపోతే, కేవలం అన్నా అని మాత్రమే పిలువు, అంతే కానీ దయచేసి నా పేరుని ఖూనీ చెయ్యకు నీకు దండం పెడుతా అని అన్నాడు’ అంటూ తేజ సజ్జల ఈ సందర్భంగా చెప్పుకొచ్చాడు.
అలా మహేష్ సినిమాలో బాలనటుడిగా నటించిన ఈ కుర్రాడు, నేడు ఆయనతో పోటీ పడే రేంజ్ సినిమా తీసాడు అంటే సాధారణమైన విషయం కాదు. ప్రమోషనల్ కంటెంట్ తో విశేషంగా ఆకట్టుకున్న ఈ హనుమాన్ చిత్రం బాక్స్ ఆఫీస్ వద్ద అనుకున్న రేంజ్ సక్సెస్ ని సాధిస్తుందా లేదా అనేది చూడాలి.
