ప‌వర్ స్టార్ పవన్ కల్యాణ్ తొలిసారి మేన‌ల్లుడు సాయిధ‌ర‌మ్‌తేజ్‌ తో క‌లిసి న‌టిస్తున్న లేటెస్ట్ ఫాంట‌సీ కామెడీ మూవీ బ్రో. విల‌క్ష‌ణ న‌టుడు స‌ముద్ర‌ఖ‌ని ద‌ర్శ‌క‌త్వంలో పీపుల్ మీడియా ఫ్యాక్ట‌రీతో క‌లిసి జీ స్టూడియోస్ వారు అత్యంత భారీ స్థాయిలో ఈ సినిమాని నిర్మిస్తున్నారు. త‌మిళంలో స‌ముద్ర‌ఖ‌ని న‌టించి తెర‌కెక్కించిన వినోదాయ సితం మూవీకిది రీమేక్‌. త‌మ‌న్ సంగీతం అందిస్తున్న ఈ సినిమాపై మెగా అభిమానుల్లో భారీ అంచ‌నాలున్నాయి.
టైమ్ విలువ తెలియ‌ని ఓ యువ‌కుడి కోసం దేవుడే దిగివ‌స్తే.. అనే కాన్సెప్ట్‌తో ఈ మూవీని రూపొందించారు. జూలై 28న విడుద‌ల కానున్న ఈ సినిమా ప్ర‌మోష‌న్స్ ఇటీవ‌లే మేక‌ర్స్ మొద‌లు పెట్టారు. వ‌రుస పోస్ట‌ర్ల‌తో సినిమాపై మ‌రింత హైప్‌ని క్రియేట్ చేస్తున్నారు. రీసెంట్‌గా విడుద‌ల చేసిన టీజ‌ర్ నెట్టింట దుమ్ములేపుతోంది. ఇప్ప‌టికే 3 కోట్ల‌కు పైగా ఈ టీజ‌ర్‌ని వీక్షించారు. దీంతో యూట్యూబ్‌లో ఈ మూవీ టీజ‌ర్ రికార్డులు సృష్టిస్తూ సందడి చేస్తోంది.
హీరో వరుణ్ తేజ్‌కు కాబోయే స‌తీమ‌ణి, మెగా ఇంట కోడ‌లిగా అడుగుపెట్ట‌నున్న హీరోయిన్ లావ‌ణ్య త్రిపాఠి షేర్ చేసిన ట్వీట్ ప్ర‌స్తుతం నెట్టింట వైర‌ల్ అవుతోంది. మీ ఇద్ద‌రిని ఇలా ఒకే స్క్రీన్‌పై చూడ‌టం క‌న్నుల పండుగ‌లా అనిపిస్తోంది. టీజ‌ర్ అద్భుతంగా ఉంది అంటూ ట్వీట్ చేసింది. ప్ర‌స్తుతం లావ‌ణ్య షేర్ చేసిన ట్వీట్ నెట్టింట వైర‌ల్‌గా మారింది. ఈ ట్వీట్‌ని గ‌మ‌న‌రించిన అబిమానులు, నెటిజ‌న్‌లు కొత్త కోడలు ఆన్ డ్యూటీ, చిన మామ‌య్య సినిమా గురించి మీరు ట్వీట్ చేయ‌డం చూస్తుంటే ఆనందంగా ఉంది అంటూ కామెంట్‌లు పెడుతున్నారు. వరుణ్ తేజ్, లావ‌ణ్య త్రిపాఠిల ఎంగేజ్‌మెంట్ గతనెల 9న అత్యంత వైభ‌వంగా జ‌రిగిన విష‌యం తెలిసిందే.