Rajamouli : రాజమౌళి మరియు సూపర్ స్టార్ మహేష్ బాబు కాంబినేషన్ లో ఒక సినిమా కోసం ఫ్యాన్స్ ఎప్పటి నుండో ఎంతో ఆతృతగా ఎదురు చూస్తూ ఉన్నారు. ఎప్పుడో 2010 కాలం లోనే వీళ్ళ కాంబినేషన్ లో కేఎస్ రామారావు నిర్మాతగా సినిమా ఓకే అయిపోయింది. కానీ ఇద్దరికీ ఉన్న కమిట్మెంట్స్ కారణంగా ఈ ప్రాజెక్ట్ వాయిదా పడుతూ వచ్చింది.
అసలు ఈ కాంబినేషన్ లో సినిమా ఉంటుందా, లేదా అని అనుకుంటున్నా సమయం లో #RRR చిత్రం తర్వాత నేను చెయ్యబోయే సినిమా మహేష్ తోనే అని రాజమౌళి క్లారిటీ ఇచ్చాడు. ఇప్పటి వరకు ఇండియా లో రానటువంటి ఫారెస్ట్ యాక్షన్ అడ్వెంచర్ జానర్ లో ఈ చిత్రాన్ని తెరకెక్కించబోతున్నాడు రాజమౌళి. ప్రస్తుతం స్క్రిప్ట్ కి సంబంధించిన వర్క్ జరుగుతూ ఉంది. ఈ ఏడాదిలోనే షూటింగ్ కూడా మొదలు అవుతుంది. అయితే కథ రీత్యా ఈ సినిమాని ఒక్క పార్ట్ లో చూపించలేరట.
మొత్తం మూడు భాగాలుగా ఈ సినిమాని తెరకెక్కించాలని ప్లాన్ అట. అయితే మొదటి భాగం పూర్తి చెయ్యడానికి దాదాపుగా మూడేళ్లు సమయం పడుతుందట. షూటింగ్ కి వెళ్లే ముందు నిర్వహించే వర్క్ షాపే ఆరు నెలలు ఉంటుందట. ఒక భాగం పూర్తి చెయ్యడానికే మూడేళ్ళ సమయం పడితే, ఇక మిగిలిన రెండు భాగాలు పూర్తి చెయ్యడానికి మరో ఆరేళ్ళ సమయం పడుతుందని, అప్పటికీ మహేష్ బాబు కి 60 ఏళ్ళు వచ్చేస్తుందని, సినిమాలు చేసే ఓపిక కూడా రాజమౌళి పెట్టే టార్చర్ వల్ల సచ్చిపోతుందని సోషల్ మీడియా లో నెటిజెన్స్ రాజమౌళి పై సెటైర్లు వేస్తున్నారు. ఈ సినిమాకే 9 ఏళ్ళ సమయం పడితే, ఇక ఆయన మహాభారతం సిరీస్ ఏకంగా 9 భాగాలుగా తెరకెక్కిస్తాను అని చెప్పాడు. దానికంటే సమయం తీసుకుంటాడో అని అనుకుంటున్నారు నెటిజెన్స్.
