Bigg Boss : ఈ సీజన్ తెలుగు బిగ్ బాస్ ని చూసినంతగా ఆడియన్స్ ఇంతకుముందు ఏ సీజన్ ని చూడలేదు అనడం లో ఎలాంటి అతిశయోక్తి లేదు. ఏ సీజన్ లో కూడా లేని రేంజ్ ట్విస్టులు ఈ సీజన్ లోనే ఉన్నాయి. ఆడియన్స్ కి ఎంటర్టైన్మెంట్ తో పాటుగా కొన్ని సంఘటనలు చాలా భావోద్వేగానికి గురి అయ్యినట్టు చేసాయి. ముఖ్యంగా హౌస్ లో రెండు గ్రూప్స్ మధ్య జరిగిన యుద్ధం లాగ ఈ సీజన్ ని వర్ణించవచ్చు.
శివాజీ, అమర్ దీప్ వల్లే ఈ సీజన్ ఇంత పెద్ద హిట్ అయ్యింది అనడం లో ఎలాంటి అతిశయోక్తి లేదు. బిగ్ బాస్ సీజన్ కి రెండు కళ్ళు లాంటి వారు వీళ్లిద్దరు. వీరితో పాటు పల్లవి ప్రశాంత్, ప్రియాంక జైన్, ప్రిన్స్ యావర్ మరియు అర్జున్ అంబటి వంటి వారు కూడా ఫినాలే కి వచ్చారు. కాసేపట్లో గ్రాండ్ ఫినాలే షూటింగ్ మొదలు కాబోతుంది.
ఇకపోతే ఈ సీజన్ కి విన్నర్ ఎవ్వరో ముందుగానే ఊహించలేకపోతున్నాం కానీ, టాప్ 3 కంటెస్టెంట్స్ గా మాత్రం అమర్ దీప్, శివాజీ మరియు పల్లవి ప్రశాంత్ నిలుస్తారని తెలుస్తుంది. ఈ ముగ్గురికి కూడా ఓటింగ్ మామూలు రేంజ్ లో పడలేదట. బిగ్ బాస్ హిస్టరీ లో ఇంత ఓటింగ్ నమోదు అవ్వడం ఇదే తొలిసారి అని టీం చెప్తుంది. ఇదంతా పక్కన పెడితే ఫేక్ ఓటింగ్ కూడా బాగానే పడింది అట.
ఇది ప్రతీ సీజన్ లో ఉండేదే, కానీ ఈ సీజన్ లో మాత్రం చాలా స్ట్రిక్ట్ గా ఫేక్ ఓటింగ్ ని తొలగించి, నిజమైన విన్నర్ కి ట్రోఫీ అందేలా చెయ్యడానికి బిగ్ బాస్ టీం తెగ కష్టపడుతుంది అట. నిన్న అర్థరాత్రి ఓటింగ్ లైన్స్ క్లోజ్ అయిపోగానే ఈ పని మీద టీం కూర్చుంది అట. అందుతున్న సమాచారం ప్రకారం పల్లవి ప్రశాంత్ మరియు అమర్ దీప్ కి దాదాపుగా సరిసమానమైన ఓటింగ్ వచ్చినట్టు తెలుస్తుంది. మరి విన్నర్ ఎవరో రేపు రాత్రి 8 గంటల వరకు తెలిసే అవకాశం లేదు.
