Kriti Shetty : కృతి శెట్టి.. ఒక్క సినిమాతో ఓవర్ నైట్ స్టార్ డమ్ తెచ్చుకుంది. ఆ తర్వాత వరుసగా డజన్ సినిమాలకు ఓకే చెప్పింది. కానీ అన్ని డిజాస్టర్ గా నిలిచాయి. బుచ్చి బాబు సన దర్శకత్వం వహించిన ఉప్పెన సినిమాతో ఈ చిన్నది హీరోయిన్ గా టాలీవుడ్ కు ఎంట్రీ ఇచ్చింది. తొలి సినిమాతోనే తన అందంతో కుర్రాళ్లను కట్టిపడేసింది. వైష్ణవ్ తేజ్ హీరోగా నటించిన ఈ చిత్రం సంచలన విజయం సాధించింది. ఈ సినిమాతో వైష్ణవ్ తేజ్ బాక్సాఫీసు వద్ద వందకోట్లు వసూలు చేశాడు. ఈ సినిమా తర్వాత కృతి శెట్టి క్రేజ్ భారీగా పెరిగిపోయింది. ఈ అమ్మడు వరుసగా శ్యామ్ సింగరాయ్, బంగార్రాజు సినిమాలు చేసింది. ఈ సినిమాలు కూడా మంచి టాక్ ను సొంతం చేసుకుంది. ఆ తర్వాత ఈ చిన్నదానికి కాలం కలిసి రాలేదు చేసిన సినిమాలన్నీ డిజాస్టర్స్ గా నిలిచాయి.
దీంతో తన కెరీర్ ఒక్కసారిగా పడిపోయింది. కృతికి టాలీవుడ్‌లో ఆఫర్స్ దాదాపు పూర్తిగా తగ్గాయనే చెప్పుకోవాలి. ప్రస్తుతం ఈ అమ్మడు చేతిలో తెలుగు ఇండస్ట్రీకి చెందిన సినిమాలు లేనట్లు తెలుస్తోంది. దీంతో కోలివుడ్ పై ఫొకస్ పెట్టింది. అక్కడ తన లక్‌ను పరీక్షించుకుంటుదంట. ఈ క్రమంలోనే కృతిశెట్టికి సంబంధించిన ఓ న్యూస్ సోషల్ మీడియాలో వైరల్‌గా మారింది. అది ఏమిటంటే? ఈ ముద్దుగుమ్మ తాజాగా ఎంగేజ్మెంట్ చేసుకుందంట.
కృతి శెట్టి ఎంగేజ్మెంట్ అయిపోయిందంటూ కన్నడ మీడియాలో ఓ వార్త తెగ వైరల్ అవుతోంది. తనను చిన్నతనంలోనే తన బావకు ఇచ్చి పెళ్లి చేయాలని కుటుంబ సభ్యులు నిర్ణయించుకున్నారట. ఈ క్రమంలోనే తనకు ఇటీవల తన బావతో ఎంగేజ్ మెంట్ కూడా చేశారంటూ ఓ వార్త నెట్టింట్లో తెగ స్ప్రెడ్ అవుతోంది. ఇక ఇండస్ట్రీకి ఎంట్రీ ఇచ్చి ఇంత తక్కువ సమయంలోనే పెళ్లి చేసుకోవడం ఏంటీ? ఇది తన కెరీర్‌పైన ఎఫెక్ట్ చూపిస్తుందంటున్నారు ఆమె అభిమానులు. కాగా, ఇందులో ఎంత నిజం ఉందో తెలియాల్సి ఉంది.