Kotta Bomali PS : ఫ్యామిలీ హీరో గా ఒకప్పుడు హీరో శ్రీకాంత్ కి ఎంత మంచి క్రేజ్ ఉండేదో మన అందరికీ తెలిసిందే. ఎలాంటి బ్యాక్ గ్రౌండ్ ఇమేజి లేకుండా ఇండస్ట్రీ లోక్కి వచ్చిన శ్రీకాంత్ , ఆ తర్వాత చిన్న చిన్న రోల్స్ ద్వారా ఆడియన్స్ లో పాపులారిటీ ని సంపాదించుకొని ఆ తర్వాత హీరో గా మారి ఎన్నో సూపర్ హిట్స్ మరియు బ్లాక్ బస్టర్ హిట్స్ ని అందుకున్నాడు.
ఇప్పటికీ కూడా ఆయన క్రేజీ ప్రాజెక్ట్స్ లో క్యారక్టర్ ఆర్టిస్ట్ రోల్స్ చేస్తూ ఫుల్ బిజీ ఆర్టిస్టుగా కొనసాగుతున్నాడు. అలా క్యారక్టర్ ఆర్టిస్టుగా దూసుకుపోతున్న శ్రీకాంత్ చాలా కాలం తర్వాత హీరో గా చేసిన చిత్రం ‘కోట బొమ్మాలి పీఎస్’. ఈ చిత్రం ఈ నెల 24 వ తేదీన ప్రపంచవ్యాప్తంగా గ్రాండ్ గా విడుదల అవ్వబోతుంది. ట్రైలర్ తో ప్రేక్షకుల్లో మంచి అంచనాలను రేపిన ఈ సినిమా పై ట్రేడ్ లో మంచి బజ్ ఉంది.
ముఖ్యంగా శ్రీకాకుళం మాండలికం లో వచ్చిన ‘లింగి లింగి లింగిడి’ అనే పాటకి ఏ రేంజ్ సెన్సేషనల్ రెస్పాన్స్ వచ్చిందో మనమంతా చూస్తున్నాం. ఎక్కడ చూసినా ఈ పాటనే వినిపిస్తుంది. రీసెంట్ గానే సెన్సార్ కార్యక్రమాలు పూర్తి చేసుకున్న ఈ చిత్రానికి సెన్సార్ సభ్యుల నుండి మంచి రెస్పాన్స్ వచ్చింది. ఈ చిత్రం లో సూపర్ హిట్ గా నిల్చిన క్రైమ్ థ్రిల్లర్ ‘నాయట్టు’ కి రీమేక్.
సినిమా ప్రారంభం నుండి ఎండింగ్ వరకు మంచి గ్రిప్పింగ్ స్క్రీన్ ప్లే తో తర్వాత ఏమి జరగబోతుంది అనే విధంగా ఆడియన్స్ లో ఆత్రుతని పెంచే విధంగా సినిమా ఉందని, కచ్చితంగా బాక్స్ ఆఫీస్ వద్ద పెద్ద సూపర్ హిట్ గా నిలుస్తుంది అంటూ చెప్పుకొచ్చారట. ముగ్గురు పోలీస్ ఆఫీసర్లు సమాజం లో జరిగే అవినీతి ని, రాజకీయ నాయకులూ చేస్తున్న దోపిడీ ని ఎలా అరికట్టారు అనేది మూవీ స్టోరీ లైన్. మన ఆంధ్ర ప్రదేశ్ ప్రభుత్వానికి సెటైర్లు కూడా ఈ సినిమాలో దట్టంగానే ఉన్నట్టు సమాచారం.
