Konidela Surekha – Upasana : సినిమా ఇండస్ట్రీలో హీరో, హీరోయిన్లు కేవలం నటనే కాకుండా వ్యాపార రంగంలోకి అడుగుపెట్టి తమ సత్తా చాటుతున్నారు. అల్లు అర్జున్ వైల్డ్ వింగ్స్ బఫెట్ అనే బార్ అండ్ రెస్టారెంట్ నడుపుతూ థియేటర్ బిజినెస్ కూడా చేస్తున్నాడు. విజయ్ దేవరకొండ ‘రౌడీ బాయ్స్’ పేరుతో దుస్తుల వ్యాపారం చేస్తున్నాడు. బాలకృష్ణ, ప్రభాస్, మహేష్ బాబు వంటి స్టార్ నటులకు కూడా థియేటర్లు ఉన్న సంగతి తెలిసిందే. నిర్మాణ సంస్థను స్థాపించడమే కాకుండా, రైడింగ్ మరియు ఏవియేషన్ కంపెనీలలో కూడా రామ్ చరణ్ పెట్టుబడి పెట్టాడు.
ఇప్పుడు మెగా ఫ్యామిలీ నుంచి ఇద్దరు నారీ మునులు సరికొత్త బిజినెస్‌తో ముందుకు వచ్చారు. మెగాస్టార్ చిరంజీవి భార్య సురేఖ, రామ్ చరణ్ భార్య ఉపాసన కలిసి ‘అత్తమ్మా కిచెన్’ పేరుతో ఫుడ్ ప్రొడక్ట్స్ వ్యాపారాన్ని ప్రారంభించారు. ప్రస్తుతం ఫుడ్ బిజినెస్‌కు మార్కెట్‌లో మంచి డిమాండ్‌ ఉంది. సమయం కుద‌ర‌క‌పోవ‌డం, ఇతర కారణాల వల్ల చాలా మంది ఇండ్ల‌ల్లో వంట చేయడం లేదు. దీంతో బయటి ఆహారంపైనే ఆధారపడుతున్నారు.
వాటిని దృష్టిలో ఉంచుకుని ఇన్‌స్టంట్ ఫుడ్ ప్రొడక్ట్స్ తెస్తున్నారు ఈ అత్తలు, కోడలు. రెడీమేడ్ పౌడర్ మరియు మిక్స్ అందించడం.. సంప్రదాయ వంటకాలను పరిచయం చేస్తూ.. పొంగల్ మిక్స్, ఉప్మా మిక్స్, పులిహోర పేస్ట్, రసం పొడి తీసుకొచ్చారు. త్వరలో మరిన్ని ఉత్పత్తులను తీసుకురావడానికి ప్లాన్ చేస్తున్నారు. కానీ ప్రస్తుతం ఈ నాలుగు ఉత్పత్తులు మాత్రమే వారి వెబ్‌సైట్‌లో అందుబాటులో ఉన్నాయి. అత్తమ్మా కిచెన్ ఈ నాలుగు వస్తువులను కాంబో ప్యాకేజీగా అందిస్తుంది.
మీరు ఏదైనా ఉత్పత్తిపై క్లిక్ చేస్తే, ఈ నాలుగు ఉత్పత్తులు కాంబోగా కనిపిస్తాయి. ఈ నాలుగు కలిపి అక్షరాలా.. రూ. 1099.00. ఇంత ధర పలుకుతుందని వినియోగదారులు ముక్కున వేలేసుకుంటున్నారు. పోనీ వెయిట్ ఏమైనా ఎక్కువ అనుకుంటున్నారేమో కానే కాదూ.. 700 గ్రాములే. కాబట్టి మనం దానిని కొనలేము. ప్యాకేజీ చాలా బాగున్నప్పటికీ ధరలు సామాన్యులకు అందుబాటులో లేవు. గిట్టుబాటు ధర ఉంటేనే సామాన్యులు కొనుగోలు చేసే అవకాశం ఉంటుందని, ధరలు మారిస్తే మంచిదని కొందరు సూచిస్తున్నారు.