Kamal Haasan : సౌత్ ఇండియా లో బిగ్గెస్ట్ స్టార్స్ లో ఒకరిగా పిలవబడే ఇద్దరు ముగ్గురు హీరోలలో కమల్ హాసన్ కూడా ఒకరు. ఈయన నటన గురించి ప్రత్యేకంగా ఏమని మాట్లాడుకోగలం చెప్పండి..?, ఆయన తోటి స్టార్ హీరోలు, మరియు ఇండస్ట్రీ కి వచ్చిన యువ హీరోలు, ఇలా అందరూ ఆయన నటన నుండి ఓనమాలు నేర్చుకుంటారు. అలాంటి మహానటుడు ఆయన. ఆయన కెరీర్ లో ఎన్నో సంచలనాత్మక చిత్రాలు ఉన్నాయి, కానీ కొన్ని సినిమాలు మాత్రం ఎన్ని సార్లు చూసినా తనిమితీరదు.
అలాంటి చిత్రాలలో ఒకటి భారతీయుడు. సౌత్ ఇండియన్ సెన్సేషనల్ డైరెక్టర్ శంకర్ దర్శకత్వం లో వచ్చిన ఈ సినిమాలో కమల్ హాసన్ నటన ని అంత తేలికగా ఎవ్వరూ మర్చిపోలేరు. ద్విపాత్రాభినయం లో ఆయన పోషించిన రెండు పాత్రలు చిరస్థాయిగా నిలిచిపోయింది. అలాంటి సినిమాకి సీక్వెల్ అంటే అంచనాలు ఏ రేంజ్ లో ఉంటాయో ఊహించుకోవచ్చు.
మూడేళ్ళ క్రితం ప్రారంభంచిన ‘భారతీయుడు 2 ‘ మూవీ షూటింగ్ మొత్తం రీసెంట్ గానే పూర్తి అయ్యింది. ఈ సినిమాకి సంబంధించిన టీజర్ ని మొన్న విడుదల చెయ్యగా ఆడియన్స్ నుండి అద్భుతమైన రెస్పాన్స్ వచ్చింది. ‘భారతీయుడు’ చిత్రం క్లైమాక్స్ లో లంచం తీసుకుంటూ దేశ ప్రతిష్టకి భంగం కలిగిస్తే మళ్ళీ వస్తాను అని కమల్ హాసన్ అంటాడు. అప్పటికి ఆయన వయస్సు కచ్చితంగా 90 ఏళ్ళు.
ఆ సినిమా విడుదలై ఇప్పటికి 30 ఏళ్ళు పూర్తి అయ్యింది. అంటే ‘భారతీయుడు 2 ‘ లో కమల్ హాసన్ మళ్ళీ వెనక్కి వస్తున్నాడు అంటే ఆయన వయస్సు 120 ఏళ్ళు అయ్యి ఉంటుందా..?. టీజర్ మొత్తం చూస్తూ ఉంటే ప్రస్తుత జనరేషన్(2023) కి తగ్గట్టుగానే సినిమా తీసినట్టు అనిపిస్తుంది. అంటే శంకర్ లెక్క ప్రకారం కచ్చితంగా ఈ చిత్రం లో కమల్ హాసన్ వయస్సు 120 ఏళ్ళు ఉంటుంది అని అంటున్నారు నెటిజెన్స్.