Sandeep Vanga : స్టార్ హీరో అయ్యేందుకు అన్నీ అర్హతలు ఉన్నప్పటికీ కూడా ఆ స్థాయికి చేరుకోలేకపోయిన కనీసం మీడియం రేంజ్ హీరోలుగా స్థిరపడిన వాళ్ళు ఇండస్ట్రీ లో చాలా మంది ఉన్నారు. కానీ అసలు మార్కెట్ కూడా సంపాదించుకొని హీరోల లిస్ట్ తీస్తే అందులో సందీప్ కిషన్ పేరు కచ్చితంగా ఉంటుంది. అసిస్టెంట్ డైరెక్టర్ గా కెరీర్ ని మొదలు పెట్టిన సందీప్ కిషన్, నటుడిగా తనని తాని మొదటి సినిమాతోనే నిరూపించుకున్నాడు.
ఆ తర్వాత ‘వేంకటాద్రి ఎక్స్ ప్రెస్’ సినిమాతో భారీ హిట్ ని అందుకొని ఇండస్ట్రీ కి మరో టాలెంటెడ్ హీరో దొరికాడు అని అందరి చేత అనిపించుకునేలా చేసాడు. కానీ ఆ తర్వాత మాత్రం సరైన స్క్రిప్ట్ సెలక్షన్ లేకపోవడం వల్ల వరుసగా డిజాస్టర్ ఫ్లాప్స్ వచ్చాయి. రీసెంట్ గా ఆయన హీరో గా నటించిన ‘ఊరి పేరు భైరవకోన’ చిత్రం కూడా అంతంత మాత్రం గానే ఆడింది.
ఇదంతా పక్కన పెడితే, సందీప్ కిషన్ బంగారం లాంటి అవకాశం ని ఒకటి చేతులారా వదులుకున్నాడు. ప్రస్తుతం ఇండియా లో ఉన్న సూపర్ స్టార్స్ అందరూ సందీప్ వంగ తో ఒక్క సినిమా చెయ్యాలని ఆరాటపడుతున్నారు . గతం సందీప్ కిషన్ కి కూడా వంగ తో కలిసి సినిమా చేసే అవకాశం వచ్చింది. విజయ్ దేవరకొండ తో ‘అర్జున్ రెడ్డి’ సినిమా చేసే ముందే సందీప్ కిషన్ తో ‘షుగర్ ఫ్యాక్టరీ’ అనే సినిమాని చెయ్యాలని అనుకున్నాడు సందీప్ వంగ.
సందీప్ కిషన్ కి కూడా ఆ కథ బాగా నచ్చింది. స్క్రిప్ట్ డెవలప్మెంట్ కోసం ఇద్దరు కలిసి ఏడాదిన్నర వరకు ట్రావెల్ చేసారు. అంతా ఒక అనుకున్నాక సెట్స్ మీదకి వెళ్లే క్రమం లో నిర్మాణ సమస్యలు తలెత్తడం వల్ల ఈ ప్రాజెక్ట్ కార్యరూపం దాల్చలేదు. ఇప్పుడు సందీప్ వంగ రేంజ్ మారిపోయింది కాబట్టి, సందీప్ కిషన్ తో సినిమా చేసే ఛాన్స్ భవిష్యత్తులో కూడా లేదు.
