Pushpa 2 ఇటీవల కాలం లో పాన్ ఇండియా లెవెల్ లో మన అందరికీ బాగా కనెక్ట్ అయిన ఊర మాస్ క్యారక్టర్ ఏదైనా ఉందా అంటే అది పుష్ప మాత్రమే. స్టైలిష్ స్టార్ అల్లు అర్జున్ హీరో గా నటించిన ఈ సినిమా పాన్ ఇండియన్ బాక్స్ ఆఫీస్ వద్ద ఏ రేంజ్ సెన్సేషన్ ని సృష్టించిందో మనమంతా చూసాము. ఇప్పటికీ ఈ సినిమా మేనియా నుండి పూర్తిగా ఎవ్వరూ బయటకి.
తగ్గేదేలే అనే మ్యానరిజం, మన జీవన దినచర్య లో ఒక భాగం అయిపోయింది. సందర్భం వచ్చినప్పుడల్లా మనకి తెలియకుండానే గెడ్డం మీద చెయ్యి పోనిచ్చి తగ్గేదేలే అని మ్యానరిజం చేసేస్తున్నాం. అలాంటి సెన్సషనల్ బ్లాక్ బస్టర్ కి సీక్వెల్ గా ‘పుష్ప : ది రూల్’ అనే చిత్రం చేస్తున్న సంగతి మన అందరికీ తెలిసిందే. ఆగష్టు 15 వ తారీఖున ఈ సినిమా ప్రేక్షకుల ముందుకు రాబోతుంది అని మేకర్స్ ఇది వరకే ఒక ప్రకటన చేసారు.
అయితే ఇప్పటి వరకు ఈ సినిమాకి సంబంధించిన షూటింగ్ కేవలం 30 శాతం మాత్రమే జరిగిందని, ఆగస్టు 15 వ తారీఖున విడుదలయ్యే అవకాశమే లేదని అంటున్నారు ట్రేడ్ పండితులు. ఇదంతా పక్కన పెడితే ఈ సినిమా స్టోరీ మెగాస్టార్ చిరంజీవి పాత సినిమాకి చాలా దగ్గరగా ఉంటుందని తెలుస్తుంది. విడుదలైన గ్లిమ్స్ వీడియో లో పుష్ప తాను ఎర్ర చందనం ద్వారా సంపాదించిన డబ్బుని మొత్తం పేద ప్రజల కోసం ఇస్తున్నట్టుగా చూపించారు.
ఇదే తరహాలో గతం లో మెగాస్టార్ చిరంజీవి హీరో గా ‘కొండవీటి దొంగ’ సినిమా తెరకెక్కింది. అంతే కాకుండా సౌత్ ఇండియన్ సెన్సేషనల్ డైరెక్ట శంకర్ ‘జెంటిల్ మ్యాన్’ సినిమా స్టోరీ లైన్ కూడా ఇదే విధంగా ఉంటుంది. ఈ సినిమాని హిందీ లో చిరంజీవి కూడా రీమేక్ చేసాడు. మరి ఇది నిజమో కాదో డైరెక్టర్ సుకుమార్ స్వయంగా రెస్పాన్స్ ఇవ్వాల్సిందే.
