Hi Nanna : గత ఏడాది బాక్స్ ఆఫీస్ వద్ద భారీ విజయాలు సాధించిన చిత్రాలలో ఒకటి న్యాచురల్ స్టార్ నాని హీరో గా నటించిన ‘హాయ్ నాన్న’. గత ఏడాది ప్రారంభం లో ‘దసరా’ చిత్రం తో ఇండస్ట్రీ ని షేక్ చేసి వంద కోట్ల రూపాయిల గ్రాస్ ని కొల్లగొట్టిన నాని, ద్వితీయార్థం లో ‘హాయ్ నాన్న’ సినిమాతో మరోసారి సూపర్ హిట్ ని అందుకున్నాడు.
‘దసరా’ లాంటి భారీ మాస్ సినిమా తర్వాత నాని ఇలాంటి సినిమా చేస్తున్నాడు ఏంటి, వేరే లెవెల్ కి వెళ్లే సినిమా చెయ్యాలి కదా అని విడుదలకు ముందు నాని ఫ్యాన్స్ తో పాటుగా ప్రేక్షకులు కూడా కామెంట్ చేసారు. కానీ విడుదల తర్వాత నాని ఈ సినిమా చెయ్యడం మంచి నిర్ణయమే అని వెనకేసుకొని వచ్చారు. మొదటి రోజు కేవలం మూడు కోట్ల రూపాయిల షేర్ వసూళ్లను రాబట్టిన ఈ సినిమా ఫుల్ రన్ లో ఏకంగా 40 కోట్ల రూపాయిల షేర్ ని కొల్లగొట్టింది అంటే, ఏ రేంజ్ బ్లాక్ బస్టర్ అనేది అర్థం చేసుకోవచ్చు.
అయితే ఈ సినిమాని తొలుత నాని తో చెయ్యాలని అనుకోలేదట డైరెక్టర్ శౌరవ్. ముందుగా ఆయన ఈ కథని దిల్ రాజు కి వినిపించగా, దిల్ రాజు ఈ కథకి అల్లు అర్జున్ అయితే పర్ఫెక్ట్ గా ఉంటుంది అని అల్లు అర్జున్ దగ్గరకి శౌరవ్ ని తీసుకెళ్ళడట. కథ మొత్తం అల్లు అర్జున్ విన్న తర్వాత ఇప్పుడు పుష్ప సినిమాకి కమిట్ అయ్యి ఉన్నాను, ఆ సినిమా అయ్యే దాకా ఎదురు చూస్తాను అంటే ఈ చిత్రం మన ఇద్దరం చేద్దాం అన్నాడట.
శౌరవ్ అందుకు ఒప్పుకున్నాడు, కానీ పుష్ప సినిమా విడుదల అయ్యాక అల్లు అర్జున్ ఇమేజి మారిపోయింది. ఆయన ఇమేజీకి ఇలాంటి కథ కరెక్ట్ కాదని భావించి, న్యాచురల్ స్టార్ నాని వద్దకి వెళ్లి ఈ కథని వినిపించాడట. ఆయనకీ తెగ నచ్చడం తో వెంటనే ఓకే చేసేసాడు. ‘దసరా’ తర్వాత షూటింగ్ మొదలై డిసెంబర్ లో విడుదలైంది. భారీ బ్లాక్ బస్టర్ గా నిల్చిన ఈ సినిమా ఇప్పుడు నెట్ ఫ్లిక్స్ లో స్ట్రీమింగ్ అవుతుంది.
