Payal Rajput : తెలుగు సినీ ప్రేక్షకులకు హీరోయిన్ పాయల్ రాజ్‌పుత్ గురించి ప్రత్యేకంగా పరిచయం చేయాల్సిన అవసరం లేదు. పాయల్ రాజ్‌పుత్ పేరు వినగానే ముందుగా గుర్తుకు వచ్చే చిత్రం RX 100. అజయ్ భూపతి దర్శకత్వంలో తెరకెక్కిన ఈ సినిమా భారీ అంచనాల మధ్య విడుదలై బ్లాక్ బస్టర్ హిట్‌గా నిలిచింది. ముఖ్యంగా ఈ సినిమా పాటలు యూట్యూబ్‌లో సంచలనం సృష్టించాయి. పాయల్ రాజ్‌పుత్ RX 100తో టాలీవుడ్‌లోకి ఎంట్రీ ఇచ్చింది. అప్పటి వరకు పాయల్ రాజ్‌పుత్ చిన్న చితకా సినిమాలు, ప్రాజెక్ట్‌లు, సీరియల్స్ చేస్తూ నార్త్‌లో ఎలాంటి గుర్తింపు లేకుండా మిగిలిపోయింది.
అయితే RX 100 సినిమాతో పాయల్ కెరీర్ మారిపోయింది. తెలుగు ఇండస్ట్రీలో హాట్ హీరోయిన్ గా మారింది. పాయల్ రాజ్‌పుత్ పేరు మారుమోగింది. ఆర్‌ఎక్స్ 100 సినిమా పేరుతో పాయల్‌కి లెక్కలేనన్ని క్రేజ్, డిమాండ్ వచ్చింది. ఆ తర్వాత కుప్పలు తెప్పలుగా ఆఫర్లు వచ్చాయి. పాయల్ రాజ్‌పుత్ ఇటీవల మంగళవారం అనే సినిమాలో నటించిన సంగతి తెలిసిందే. ఈ సినిమాతో ప్రేక్షకులను పలకరించింది. ఈ చిత్రానికి కూడా అజయ్ భూపతి దర్శకత్వం వహిస్తున్న సంగతి తెలిసిందే.
ఇదిలావుంటే, పాయల్ రాజ్‌పుత్ తన పాత జ్ఞాపకాలను గుర్తు చేసుకుంటూ భావోద్వేగానికి లోనైంది. తన మొదటి ఫోటో షూట్ అనుభవాన్ని పంచుకుంది. 21 ఏళ్లకే మోడలింగ్ రంగంలోకి అడుగుపెట్టిన ఆమె.. ఆ తర్వాత తొలి ఫొటో షూట్ చేసింది. పాత లుక్ ఇదే అంటూ ఫోటో షేర్ చేసింది. ఈ ఫోటో షూట్ ఢిల్లీలో జరిగిందని, ఆ తర్వాత పాయల్ ముంబైకి షిఫ్ట్ అయిందని చెప్పింది. ఆ తర్వాత సీరియల్స్‌తో టెలివిజన్ రంగంలో తన కెరీర్‌ను ప్రారంభించింది పాయల్. ఈ మేరకు పాయల్ తన ఇన్‌స్టాగ్రామ్ స్టోరీలో పోస్ట్ చేసిన ఈ విషయం ఇప్పుడు వైరల్ అవుతోంది.