Hero Nani: ఎలాంటి బ్యాక్ గ్రౌండ్ సపోర్టు లేకుండా ఇండస్ట్రీ లోకి వచ్చి తనకంటూ ఒక ప్రత్యేకమైన స్టార్ ఇమేజి ని ఏర్పర్చుకున్న హీరోలను మన తెలుగు సినిమా ఇండస్ట్రీ లో చేతి వేళ్ళతో లెక్కపెట్టొచ్చు.అలాంటి హీరోలలో ఒకడు న్యాచురల్ స్టార్ నాని.కెరీర్ ప్రారంభం లో ఇతను ఎన్నో అవమానాలు పడ్డాడు.అసిస్టెంట్ డైరెక్టర్ గా ఎంతో మంది డైరెక్టర్స్ దగ్గర పని చేసాడు.పెద్ద స్టార్ డైరెక్టర్ అవుతాడు అనుకుంటే, విధి ఆయనని న్యాచురల్ స్టార్ ని చేసింది.
తొలిసినిమా ‘అష్టా చెమ్మ’ తోనే సూపర్ హిట్ ని తన ఖాతాలో వేసుకొని అందరి దృష్టిలో పడ్డాడు నాని.ఎవరీ కుర్రాడు, చాలా స్మార్ట్ గా ఉన్నాడు,చాలా చక్కగా నటించాడు, ఇతను భవిష్యత్తులో పెద్ద స్టార్ హీరో అవుతాడు అని అందరూ అనుకున్నారు.అనుకున్నట్టు గానే పెద్ద స్టార్ అయ్యాడు.అయితే నాని సినిమాల్లోకి రాకముందు ఒక షార్ట్ ఫిలిం కి దర్శకత్వం వహించాడట.
అవి ఆయన ఎలా అయినా సినిమాల్లోకి ఎంట్రీ ఇవ్వాలని పరితపిస్తున్న రోజులు.అప్పట్లో అన్నపూర్ణ స్టూడియోస్ లో ఒక ప్రముఖ నిర్మాత కొత్తగా దర్శకత్వం వహించాలి అనుకుంటున్న కుర్రాళ్లకు అవకాశం ఇస్తూ, 20 నిమిషాల నిడివి లో షార్ట్ ఫిలిమ్స్ ని షూట్ చేసి మాకు పంపాల్సిందిగా కోరారు.చేతికి వచ్చిన బంగారం లాంటి అవకాశం ని ఉపయోగించుకునేందుకు నాని దర్శకత్వం వహిస్తూ , హీరో గా చేస్తూ ఒక షార్ట్ ఫిలిం ని షూట్ చేసి పంపాడట.ఇది రొమాంటిక్ లవ్ స్టోరీ అని తెలిసింది.
అయితే ఆయన దురదృష్టం పాపం, ఆ షార్ట్ ఫిలిం ఆడిషన్స్ లో ఎంపిక కాలేదు.చేతికి వచ్చిన అవకాశం మిస్ అయ్యిందే అని నాని చాలా బాధపడ్డాడు అట.అయితే ఈ విషయం తెలుసుకున్న నాని ఫ్యాన్స్ ఇప్పటికైనా ఆ షార్ట్ ఫిలిం ని యూట్యూబ్ లో అప్లోడ్ చేస్తే చూస్తాము కదా, దయచేసి అప్లోడ్ చెయ్యండి అంటూ నాని ని ట్యాగ్ చేసి అడుగుతున్నారు.మరి ఆయన అభిమానుల రిక్వెస్ట్ ని చూసి యూట్యూబ్ లో అప్లోడ్ చేస్తాడో లేదో చూడాలి.