సూపర్ స్టార్ మహేష్ బాబు మరియు త్రివిక్రమ్ శ్రీనివాస్ కాంబినేషన్ అంటే ఆడియన్స్ లో కానీ, మార్కెట్ లో కానీ ఎలాంటి క్రేజ్ ఉంటుందో ప్రత్యేకించి చెప్పనక్కర్లేదు. ఈ కాంబినేషన్ నుండి గతం లో వచ్చిన సినిమాలు అలాంటివి మరి. అతడు మరియు ఖలేజా చిత్రాలు కమర్షియల్ గా సక్సెస్ కాలేకపోయినా, టీవీ టెలికాస్ట్ లో బంపర్ హిట్ అయ్యింది.ఇప్పటికీ కూడా ఈ సినిమా టీవీ లో వస్తే ఆడియన్స్ ఆసక్తి గా పనులు మానుకొని మరీ చూస్తారు.
అందుకే ఈ కాంబినేషన్ మీద అంత క్రేజ్. ఇప్పుడు ఈ కాంబినేషన్ లో ‘గుంటూరు కారం’ అనే సినిమా తెరకెక్కుతుంది. ఈ చిత్రం రెగ్యులర్ షూటింగ్ ఈమధ్యనే ప్రారంభమై , మద్యమద్యలో బ్రేకులు పడుతూ ఎట్టకేలకు రేపటి నుండి కొత్త షెడ్యూల్ ని ప్రారంభించుకోబోతుంది. ఇక ఈ సినిమా నుండి ఇప్పటికే పూజ హెగ్డే మరియు తమన్ తప్పుకున్నారు, శ్రీలీల మెయిన్ హీరోయిన్ గా నటిస్తుంది.
సంక్రాంతి కానుకగా విడుదల అవ్వబోతున్న ఈ సినిమాకి సంబంధించిన ప్రీ రిలీజ్ థియేట్రికల్ బిజినెస్ అప్పుడే ప్రారంభం అయ్యింది. ట్రేడ్ వర్గాల సమాచారం ప్రకారం ఈ చిత్రం నైజాం ప్రాంతం హక్కులను ప్రముఖ నిర్మాత దిల్ రాజు 42 కోట్ల రూపాయలకు కొనుగోలు చేసాడట. ఇది మహేష్ కెరీర్ లోనే కాదు, ఆల్ టైం టాప్ 5 నైజాం ప్రీ రిలీజ్ థియేట్రికల్ బిజినెస్ ని జరుపుకున్న చిత్రాలలో ఒకటిగా నిల్చింది.
రీసెంట్ గానే ప్రభాస్ హీరో గా నటించిన ‘ఆదిపురుష్’ మూవీ ప్రీ రిలీజ్ బిజినెస్ 50 కోట్ల రూపాయలకు ఈ ప్రాంతం లో జరిగింది. 500 కోట్ల రూపాయిల బడ్జెట్ తో పెట్టి తీసిన సినిమా ప్రీ రిలీజ్ బిజినెస్ కి మరియు ప్రాంతీయ బాషా చిత్రమైన ‘గుంటూరు కారం’ కి ఈ రేంజ్ బిజినెస్ జరగడం చూస్తుంటే ఈ ప్రాంతం లో మహేష్ క్రేజ్ ఎలాంటిదో అర్థం అవుతుంది.
