Gudumba Shankar : మరో వారం రోజుల్లో పవర్ స్టార్ పవన్ కళ్యాణ్ పుట్టినరోజు రాబోతుంది..ఆయన పుట్టినరోజు అంటే ఎలా ఉంటుందో అందరికీ తెలుసు కదా, ఎక్కడ చూసిన అభిమానుల కోలాహలం, ఒక పండుగ వాతావరణం ని తలపిస్తాది. అంతే కాకుండా సేవా కార్యక్రమాలు, రక్త దానాలు, అన్నదానాలు వంటివి కూడా భారీగా చేస్తారు. వీటి అన్నిటికి మించి పవన్ కళ్యాణ్ జనసేన పార్టీ కి ఫండ్స్ కోసం ఆయన పాత సినిమాలను రీ రిలీజ్ చేసి, దాంట్లో వచ్చే డబ్బులను పార్టీ కి ఫండ్స్ గా ఇస్తారు.
గతం లో జల్సా మరియు ఆరంజ్ వంటి షోస్ కి అలాగే చేసారు. రెండు సినిమాలకు కలిపి రెండు కోట్ల రూపాయిల వరకు డొనేషన్స్ వచ్చాయి. ఇప్పుడు ‘గుడుంబా శంకర్ ‘ చిత్రం రీ రిలీజ్ ద్వారా మరోసారి జనసేన పార్టీ కి ఫండ్ డ్రైవ్ ని పవన్ కళ్యాణ్ పుట్టినరోజు సందర్భంగా ప్లాన్ చేసారు ఫ్యాన్స్.
ఇప్పటికీ ఈ సినిమాకి సంబంధించిన అడ్వాన్స్ బుకింగ్స్ ఆంధ్ర ప్రదేశ్ మరియు తెలంగాణ లోని పలు ప్రాంతాలలో ప్రారంభించారు. ముఖ్యంగా హైదరాబాద్ సిటీ లో అయితే టికెట్స్ హాట్ కేక్స్ లాగ అమ్ముడుపోతున్నాయి. కొద్దిరోజుల క్రితమే,హైదరాబాద్ లో పెద్దగా అడ్వాన్స్ బుకింగ్స్ జరగని థియేటర్స్ లో బుకింగ్స్ ప్రారంభించారు. ఈ థియేటర్స్ లో అడ్వాన్స్ బుకింగ్స్ స్లో గా ఉంటాయి. కానీ ‘గుడుంబా శంకర్’ కి దాదాపుగా అన్నీ హౌస్ ఫుల్స్ అయ్యాయి.
ఇక ఆర్టీసీ క్రాస్ రోడ్స్ లోని థియేటర్స్ లో అయితే టికెట్స్ నిమిషాల వ్యవధి లో అమ్ముడుపోతున్నాయి. ఒక ఫ్లాప్ సినిమాకి ఈ రేంజ్ అడ్వాన్స్ బుకింగ్స్ జరగడం ఇప్పటి వరకు ఏ సినిమాకి కూడా జరగలేదు. మొట్టమొదటిసారి ఆ ఘనత గుడుంబా శంకర్ సినిమాకే జరిగింది. ఈ ఒక్క ప్రాంతం నుండే సుమారుగా 30 లక్షల రూపాయిల గ్రాస్ వసూళ్లు వస్తాయని ఫ్యాన్స్ అంచనా వేస్తున్నారు, మరి ఓవరాల్ గా బిజినెస్ మెన్ మొదటి రోజు కలెక్షన్స్ ని క్రాస్ చేస్తుందో లేదో చూడాలి.