Project K : ప్రభాస్ ఫ్యాన్స్ ఎప్పుడెప్పుడా అని ఎదురుచూసిన టైం వచ్చేసింది.. కొద్ది నిమిషాల క్రితం ప్రాజెక్ట్ కె గ్లింప్స్ వీడియో, టైటిల్ ను మేకర్స్ అనౌన్స్ చేశారు.. ఈ సినిమా ఫస్ట్ గ్లింప్స్ వచ్చేసింది..ఈ చిత్రానికి ‘కల్కి 2898 ఏడీ’ టైటిల్‌ను చిత్రబృందం ఖరారు చేసింది. ‘ప్రపంచాన్ని చీకటి కమ్మేసినప్పుడు ఒక శక్తి ఉద్భవిస్తుంది. అప్పుడు అంతం అరంభమవుతుంది’ అనే నేపథ్యంలో ఈ చిత్రం సాగనున్నట్లు తెలుస్తోంది. ‘వాటీజ్‌ ప్రాజెక్ట్ కె’ అనే ఒక్క డైలాగ్‌తో సినిమాపై భారీ అంచనాలు పెంచేలా యాక్షన్‌ సీన్స్‌ ఉన్నాయి. విజువల్స్‌ అందరినీ కట్టిపడేశాయి. ఇక ప్రభాస్ లుక్‌ అదిరిపోయింది.
అమెరికాలో జరుగుతోన్న ప్రతిష్ఠాత్మక ‘శాన్‌ డియాగో కామిక్ కాన్‌’ వేడుకలో చిత్ర బృందం గ్లింప్స్, టైటిల్‌ని ప్రకటించింది.. ఈ వీడియో ప్రస్తుతం సోషల్ మీడియాను షేక్ చేస్తుంది..బాలీవుడ్ స్టార్స్ దీపికా పదుకొనె, అమితాబ్ బచ్చన్ అలాగే తమిళ స్టార్ హీరో కమల్ హాసన్.. వంటి మహామహులు నటిస్తున్న సినిమా ఇది. కేవలం రెండు సినిమాల అనుభవం ఉన్న నాగ్ అశ్విన్ ఈ చిత్రాన్ని డైరెక్ట్ చేస్తున్నాడు. దిశా పటాని కీలక పాత్రలో నటిస్తున్న ఈ సినిమాకి సంతోష్ నారాయణ్ సంగీత దర్శకుడు..
మహానటి.. తర్వాత దర్శకుడు నాగ్ అశ్విన్ తెరకెక్కిస్తున్న చిత్రమిది. సైన్స్ ఫిక్షన్‌ నేపథ్యంలో రూపొందుతోన్న ఈ సినిమాలో ప్రభాస్ హీరోగా నటిస్తున్నాడనే ప్రకటన వెలువడడమే ఆలస్యం ప్రేక్షకుల్లో ఆసక్తి నెలకొంది. అగ్ర నటులు అమితాబ్ బచ్చన్, కమల్ హాసన్‌లు కీలక పాత్రలు పోషిస్తుండడంతో అంచనాలు రెట్టింపయ్యాయి. బాలీవుడ్ నటి దీపికా పదుకొణె హీరోయిన్‌గా నటిస్తున్న ఈ చిత్రంలో దిశా పటానీ కీ రోల్‌ ప్లే చేస్తోంది.. ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది..