Filmfare Awards 2024 : 69వ ఫిల్మ్‌ఫేర్ అవార్డుల ప్రదానోత్సవం శనివారం గుజరాత్‌లో జరిగింది. ప్రతి ఏటా నిర్వహించే ఈ అవార్డ్ షో కోసం అందరూ ఆత్రుతగా ఎదురుచూశారు. రెండు రోజుల పాటు జరిగే ఈ అవార్డు షోను గుజరాత్‌లోని గాంధీనగర్‌లో ఏర్పాటు చేశారు. శనివారం పలు అవార్డులను ప్రకటించారు. ఈరోజు సాయంత్రం మరికొన్ని అవార్డులను కూడా ప్రకటించనున్నారు. ఈ స్పెషల్ ఎకేషన్ లో పెద్ద స్టార్స్ పాల్గొన్నారు. చిత్ర నిర్మాత కరణ్ జోహార్ నుండి నటి నుస్రత్ భారుచా వరకు ఈ కార్యక్రమంలో భాగమయ్యారు.
కరణ్ జోహార్‌తో పాటు, జాన్వీ కపూర్, గణేష్ ఆచార్య, అపరశక్తి ఖురానా, జరీన్ ఖాన్, కరిష్మా తన్నాతో సహా చాలా మంది పెద్ద తారలు ఇక్కడ ఉన్నారు. అపర్శక్తి ఖురానా, కరిష్మా తన్నా 69వ ఫిల్మ్‌ఫేర్ అవార్డ్స్ షోకు హోస్ట్‌గా వ్యవహరించారు. తారలు ఒక్కొక్కరుగా వేదికపైకి వచ్చి వివిధ విభాగాల్లో విజేతల పేర్లను ప్రకటించి వారికి ట్రోఫీలు అందజేశారు. 2023లో విడుదలైన సినిమాలు ఎన్నో విజయాలు సాధించాయి. షారుఖ్ ఖాన్ నుండి రణబీర్ కపూర్ వరకు.. విక్కీ కౌశల్ నుండి విక్రాంత్ మాస్సే చిత్రాల వరకు అవార్డులు గెలుచుకున్నారు.
అలియా భట్, రణవీర్ సింగ్ చిత్రం రాకీ ఔర్ రాణి కి ప్రేమ్ కహానీలోని ‘వాట్ ఝుమ్కా’ పాటకు గణేష్ ఆచార్య ఉత్తమ కొరియోగ్రఫీ అవార్డును అందుకున్నారు. విక్రాంత్ మాస్సే చిత్రం 12వ ఫెయిల్ ఉత్తమ ఎడిటింగ్ అవార్డుని గెలుచుకుంది. షారుఖ్ ఖాన్ జవాన్ ఉత్తమ స్పెషల్ ఎఫెక్ట్స్, ఉత్తమ యాక్షన్ కోసం విజేతగా ఎంపికైంది. రణబీర్ కపూర్ యానిమల్ బెస్ట్ బ్యాక్‌గ్రౌండ్ స్కోర్, బెస్ట్ సౌండ్ డిజైన్‌గా విజేతగా ఎంపికైంది.
విజేతల పూర్తి జాబితా ఇదే..
బెస్ట్ సౌండ్ డిజైన్ – ‘సామ్ బహదూర్’ – కునాల్ శర్మ అండ్ సింక్ సినిమా ఫర్ యానిమల్
ఉత్తమ VFX – ‘జవాన్’ – రెడ్ చిల్లీస్ VFX
ఉత్తమ ఎడిటింగ్ – ’12వ ఫెయిల్’ – జస్కున్వర్ సింగ్ కోహ్లీ, విధు వినోద్ చోప్రా
బెస్ట్ బ్యాక్ గ్రౌండ్ స్కోర్ – ‘యానిమల్’ – హర్షవర్ధన్ రామేశ్వర్
ఉత్తమ ప్రొడక్షన్ డిజైన్ – ‘సామ్ బహదూర్’ – సుబ్రతా చక్రవర్తి, అమిత్ రే
ఉత్తమ కాస్ట్యూమ్ డిజైన్ – ‘సామ్ బహదూర్’ – సచిన్ లవ్లేకర్, దివ్య గంభీర్, నిధి గంభీర్
ఉత్తమ సినిమాటోగ్రఫీ – ‘త్రి ఆఫ్ అజ్’- అవినాష్ అరుణ్ ధావ్రే
బెస్ట్ కొరియోగ్రఫీ – ‘వాట్ ఝుమ్కా’ – గణేష్ ఆచార్య (రాకీ అండ్ రాణి కి లవ్ స్టోరీ)
ఉత్తమ యాక్షన్ – ‘జవాన్’ – స్పిరో రజాటోస్, ఎనెల్ అరసు, క్రెయిగ్ మెక్‌క్రే, యానిక్ బెన్, కెచా ఖంఫక్డి, సునీల్ రోడ్రిగ్జ్