Janhvi : టాలీవుడ్ ఇండస్ట్రీలో స్టార్ యాంకర్‌గా పాపులారిటీ సంపాదించుకున్న యాంకర్ సుమ తనయుడు రోషన్ కనకాల నటించిన తాజా చిత్రం “బబుల్‌గమ్”. ఈ సినిమా ద్వారా రోషన్ టాలీవుడ్ ఇండస్ట్రీలోకి హీరోగా ఎంట్రీ ఇచ్చాడు. తొలి సినిమాతోనే యూత్ ని టార్గెట్ చేసి మాంచి ఎంటర్ టైన్ మెంట్ ఇచ్చాడనే చెప్పాలి. సినిమాలో కౌగిలింతలు, ముద్దులు తప్ప ఇంకేమీ లేదు. నేటి తరానికి నచ్చే విధంగా సినిమాను రూపొందించారు మేకర్స్.
బాలీవుడ్ స్టార్ హీరోయిన్‌గా పాపులారిటీ సంపాదించుకున్న జాన్వీ కపూర్‌తో ఈ సినిమాకు అనుబంధం ఉందంటూ ఓ వార్త నెట్టింట్లో వైరల్ అవుతుంది. ఈ వార్త విని సుమ అభిమానులు కూడా ఆశ్చర్యపోతున్నారు. యాంకర్ సుమ తనయుడు రోషన్ కనకాల నటించిన బబుల్ గమ్ సినిమాలో చిత్తూరు పిల్ల మానస చౌదరి హీరోయిన్‌గా నటించింది. అయితే ఈ సినిమాలో రోషన్ పాత్ర పేరు ఆది.
మానస చౌదరి పాత్ర పేరు జాన్వి. నిజానికి ఈ పాత్ర కోసం చాలా మంది పేర్లు అనుకున్నారట డైరెక్టర్, రైటర్. అయితే జాన్వీ పేరు సూచించింది మాత్రం రోషన్. దానికి కారణం అతను బాలీవుడ్ స్టార్ హీరోయిన్ జాన్వీ కపూర్ కి క్రేజీ ఫ్యాన్ కావడమే. అంతేకాదు ఈ విషయం యాంకర్ సుమకు కూడా తెలుసు. ఆయన కోరిక మేరకు ఈ సినిమాలో మానస చౌదరి పాత్ర పేరును జాన్వీగా డిజైన్ చేశారంటూ ఈ వార్త వైరల్ అవుతుంది.