టాలీవుడ్ టాప్ ప్రొడ్యూసర్ల జాబితాలో ముందు వరుసలో ఉంటాడు దిల్ రాజు. కథ నచ్చితే చాలు.. చిన్న సినిమానా, పెద్ద సినిమానా అన్న తేడా చూడడు. కొత్త వారిని ఇండస్ట్రీకి పరిచయం చేయడంలో కూడా ముందుంటాడు దిల్ రాజు. కేవలం టాలీవుడ్‌లోనే కాక సౌత్‌లోనే టాప్ ప్రొడ్యూసర్‌గా ఎదిగాడు దిల్ రాజు. తెలుగులోనే కాక తమిళ్‌, హిందీ భాషల్లో.. అది కూడా ప్రెస్టిజీయస్‌ ప్రాజెక్ట్స్‌కి నిర్మాతగా వ్యవహరిస్తూ.. కెరీర్‌లో ముందుకు సాగుతున్నాడు దిల్ రాజు. మొదటి భార్య మృతి చెందడంతో.. మూడు సంవత్సరాల క్రితం దిల్ రాజు రెండో వివాహం చేసుకున్నాడు. గతేడాది వీరికి కుమారుడు జన్మించిన విషయం తెలిసిందే. ఆ బాబుకు అన్వీ అని పేరు పెట్టారు. తాజాగా దిల్ రాజు వారసుడు అన్వీ పుట్టిన రోజు ఘనంగా జరిగింది.
ఈ క్రమంలో ఫిల్మ్‌ నగర్‌లో ఓ వార్త తెగ ప్రచారం అవుతోంది. కొడుకు ఫస్ట్‌ బర్త్‌డేని చాలా గ్రాండ్‌గా సెలబ్రేట్‌ చేస్తున్నారట దిల్ రాజు. ఈ కార్యక్రమానికి సినిమా ఇండస్ట్రీకి చెందిన టాప్ సెలబ్రిటీలంతా హాజరవుతున్నట్లు తెలుస్తోంది. కేవలం తెలుగు సినిమా పరిశ్రమ నుంచే కాక.. అన్ని ఇండస్ట్రీల నుంచి మొత్తం 1000 మంది సెలబ్రిటీలను తన కొడుకు అన్వీ మొదటి పుట్టినరోజు వేడుకలకు ఆహ్వానించారట దిల్ రాజు. ఈ బర్త్‌డే వేడుకకు టాలీవుడ్‌కు చెందిన అందరూ హీరోలు, హీరోయిన్లు, నటీనటులు హాజరవుతారని తెలుస్తోంది. అయితే కొడుకు బర్త్‌డే వేడుకులకు సంబంధించి దిల్ రాజు వైపు నుంచి ఇప్పటి వరకు ఎలాంటి అధికారిక ప్రకటన రాలేదు. అయితే, సెలబ్రేషన్స్ తరవాత మీడియాకు కంటెంట్ విడుదల చేస్తారని అంటున్నారు.
అది అలా ఉంటే.. దిల్ రాజు రాబోయే ఎన్నికల్లో పోటిచేస్తున్నట్లు తెలుస్తోంది. అందులో భాగంగానే నిజమాబాద్ ఏరియాలో కలివిడిగా తిరుగుతూ.. సామాజిక కార్యక్రామాల్లో పాల్గోంటున్నారని.. పక్కా ప్లానింగ్‌తో రానున్నారని.. తెలుస్తోంది. ఈ విషయంలో టాలీవుడ్ వర్గాల్లో గుసగుసలు వినిబడుతున్నాయి. ఈ మేరకు పుకార్లు షికార్లు చేస్తున్నాయి. ఆ పుకార్ల ప్రకారం దిల్ రాజు నిజామాబాద్ ఎంపీగా పోటీ చేయాలనున్నారని అంటున్నారు. మరో పక్క అలాంటేదేమి ఉండదని.. ఆయన డైరెక్ట్‌గా రాజ్యసభకు వెళ్తారని అంటున్నారు. అయితే ఇవి జస్ట్ రూమర్సేనా.. లేక నిజమా అనేది తెలియాలంటే.. మాత్రం కొన్ని రోజులు ఆగాల్సిందే. త్వరలో తెలంగాణలో ఎన్నికలు జరుగనున్నాయి.. దీంతో ఏ విషయం మరికొన్ని రోజుల్లో తెలియనుంది.