Getup Srinu : జబర్దస్త్ ద్వారా బాగా పాపులర్ అయిన కమెడియన్స్ లో ఒకడు గెటప్ శ్రీను. వేణు వండర్స్ టీం లో చిన్న చిన్న పాత్రలు చేసుకుంటూ వచ్చిన గెటప్ శ్రీను, ఆ తర్వాత సుడిగాలి సుధీర్, రామ్ ప్రసాద్ తో కలిసి ఒక టీం ని మైంటైన్ చేస్తూ ఎన్నో అద్భుతమైన స్కిట్స్ ని అందించాడు. బుల్లితెర పై ఆయన టాలెంట్ ని చూసిన ప్రతీ ఒక్కరు పొగడ్తలతో ముంచి ఎత్తేవారు.
గెటప్ శ్రీను టాలెంట్ కి ఇక్కడ ఉండాల్సిన మనిషి కాదు, కచ్చితంగా ఈయన టాలీవుడ్ లోకి వెళ్తే ఉన్నత స్థాయికి చేరుకుంటాడు అని అందరూ అనుకునేవారు. వాళ్ళు బలంగా కోరుకోవడం వల్లనో ఏమో తెలియదు కానీ గెటప్ శ్రీను ఇప్పుడు ఇండస్ట్రీ లో టాప్ మోస్ట్ కమెడియన్స్ లో ఒకడు అని చెప్పొచ్చు. అప్పట్లో బ్రహ్మానందం వెండితెర మీద కనిపిస్తే ఎలా ఈలలు చప్పట్లు కొట్టేవారో, ఇప్పుడు గెటప్ శ్రీను కనిపిస్తే ఆ రేంజ్ లో గోల చేస్తున్నారు ఆడియన్స్.
రీసెంట్ గా ‘హనుమాన్’ చిత్రం లో మంచి క్యారక్టర్ చేసి మంచి గుర్తింపుని తెచ్చుకున్న గెటప్ శ్రీను జబర్దస్త్, సినిమాల ద్వారా ఎంత ఆస్తిని సంపాదించాడు అనే విషయం ఆయన అభిమానులకు ప్రతీ ఒక్కరికి తెలుసుకోవాలనే ఉంటుంది. అయితే సామాన్యుడి స్థాయి నుండి ఈ రేంజ్ కి చేరుకున్న గెటప్ శ్రీను కి హైదరాబాద్ వంటి సిటీ లో మంచి ఫ్లాట్ కొనుక్కోవడం అనేది బిగ్గెస్ట్ అచీవ్మెంట్స్ లో ఒకటిగా చెప్పుకోవచ్చు.
అలాగే ఇప్పటి వరకు ఆయన ఏర్పర్చిన ఆస్తి 50 కోట్ల రూపాయలకు పైగానే ఉంటుందని సమాచారం. ఇండస్ట్రీ లో గెటప్ శ్రీను పదేళ్ల నుండి నాటుకుపోయియున్నాడు. కాబట్టి ఈమాత్రం సంపాదించడం లో ఆశ్చర్యం లేదు. ఇకపోతే గెటప్ శ్రీను ఇప్పుడు లేని సినిమా అంటూ లేదనడం లో ఎలాంటి అతిశయోక్తి లేదు, భవిష్యత్తులో ఆయన ఇంకా ఎంతో ఉన్నతమైన స్థానం కి చేరుకుంటాడు అనడం లో ఎలాంటి సందేహం లేదు.
