Dhoni : నితిన్ తాజాగా నటిస్తున్న చిత్రం ‘ఎక్స్‌ ట్రా ఆర్డినరీ మ్యాన్‌’. యాక్షన్‌ ఎంటర్‌టైనర్‌గా రూపొందుతున్న ఈ సినిమాకు వక్కంతం వంశీ దర్శకత్వం వహిస్తున్నారు. క్యూట్ బ్యూటీ శ్రీలీల ఈ సినిమాలో హీరోయిన్ గా నటిస్తోంది. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్టు ప్రొడక్షన్ పనులు జరుపుకుంటోంది. డిసెంబర్ 8న ప్రపంచ వ్యాప్తంగా ప్రేక్షకుల ముందుకు వస్తోంది.
ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్లు, పాటలు ప్రేక్షకులను ఆకట్టుకుంటున్నాయి. డేంజర్ పిల్లా, బ్రష్‌ వేసుకో అనే పాటలు సంగీత ప్రియులను బాగా అలరిస్తున్నాయి. ‘ఎక్స్‌ట్రా ఆర్డినరీ మ్యాన్‌’ విడుదల దగ్గర పడుతున్న నేపథ్యంలో చిత్రబృందం ప్రమోషన కార్యక్రమాలను ముమ్మరంగా నిర్వహిస్తోంది. నితిన్ తో పాటు మూవీ యూనిట్ వరుస ఇంటర్వ్యూలతో సినిమాపై హైప్ క్రియేట్ చేస్తున్నారు. ఈ నేపథ్యంలో నితిన్ సోషల్ మీడియాలో పోస్టు చేసిన ఓ ఫోటో బాగా వైరల్ అవుతోంది.
టీమిండియా మాజీ కెప్టెన్‌ మహేంద్ర సింగ్ ధోనీ సైన్ చేసిన టీ షర్ట్‌ ను నితిన్ కు గిఫ్ట్ గా అందించాడు. నితిన్ తాజా మూవీ ‘ఎక్స్‌ ట్రా ఆర్డినరీ మ్యాన్‌’ సినిమా విజయం సాధించాలని ఆకాంక్షిస్తూ బెస్ట్ విషెస్ చెప్పారు. ఈ సర్‌ప్రైజ్‌ గిఫ్ట్ పై నితిన్ స్పందించాడు. “ఎక్స్‌ ట్రా ఆర్డినరీ మ్యాన్‌ నుంచి ఎక్స్‌ ట్రా ఆర్డినరీ బహుమతి. ఈ కానుక అందించిన ధోనికి ధన్యవాదాలు. లవ్‌ యూ” అంటూ ట్వీట్ చేశాడు. టీషర్ట్‌ పట్టుకొని దిగిన స్టిల్‌ ను షేర్ చేశాడు. ప్రస్తుతం ఈ ఫోటో సోషల్ మీడియాలో హల్ చల్ చేస్తోంది.