#RRR వంటి భారీ బ్లాక్ బస్టర్ హిట్ తర్వాత యంగ్ టైగర్ ఎన్టీఆర్ హీరోగా నటిస్తున్న చిత్రం ‘దేవర ‘. కొరటాల శివ దర్శకత్వం లో తెరకెక్కుతున్న ఈ చిత్రం పై అభిమానుల్లో భారీ అంచనాలు ఉన్నాయి. ఎందుకంటే ‘అరవింద సమేత’ చిత్రం తర్వాత ఎన్టీఆర్ నుండి సోలో హీరో గా ఒక్క సినిమా కూడా రాలేదు, సుమారుగా ఆరేళ్ళ తర్వాత వస్తున్న ఎన్టీఆర్ సినిమా కావడం తో ఈ చిత్రం పై అటు అభిమానుల్లో ఎంత అంచనాలు అయితే ఉన్నాయో, ట్రేడ్ లో కూడా అదే రేంజ్ అంచనాలు ఉన్నాయి.
ఇప్పటికే ఈ చిత్రం నుండి విడుదలైన ఎన్టీఆర్ ఫస్ట్ లుక్ మరియు గ్లిమ్స్ వీడియో కి ఫ్యాన్స్ నుండి మంచి రెస్పాన్స్ వచ్చింది. ఇక నేడు ఈ చిత్రంలో విలన్ గా నటిస్తున్న ‘సైఫ్ అలీ ఖాన్’ పుట్టిన రోజు. ఆయన పుట్టిన రోజు సందర్భంగా ఈ సినిమాకి ఆయన ఫస్ట్ లుక్ ని విడుదల చేసారు.
ఈ సినిమాలో సైఫ్ అలీ ఖాన్ ‘భైరా’ అనే పాత్రలో కనిపించబోతున్నాడు. సినిమాలో ఎన్టీఆర్ మరియు సైఫ్ అలీ ఖాన్ మధ్య వచ్చే పోరాట సన్నివేశాలు అభిమానులకు గూస్ బంప్స్ రప్పించేలా చేస్తాయట. అయితే ఈ పోస్టర్ చూసిన వెంటనే అబ్బో అదిరిపోయింది అనే రేంజ్ లో అయితే లేదు కానీ, ఎదో పర్వాలేదు అనే రేంజ్ లో మాత్రమే ఉంది. ఇందులో సైఫ్ అలీ ఖాన్ లుక్స్ ‘గేమ్ ఆఫ్ త్రోన్స్’ చిత్రం లోని హీరో పాత్రకి దగ్గరగా పోలినట్టు ఉంది.
గతం లో విడుదల చేసిన జూనియర్ ఎన్టీఆర్ ఫస్ట్ లుక్ కంటే కూడా, సైఫ్ అలీ ఖాన్ లుక్స్ బాగున్నాయని సోషల్ మీడియా లో కామెంట్స్ వినిపిస్తున్నాయి. ప్రస్తుతం జరుగుతున్న షెడ్యూల్ లో కూడా ఎన్టీఆర్ మరియు సైఫ్ అలీ ఖాన్ మధ్య పోరాట సన్నివేశాలు చిత్రీకరిస్తున్నారట. అలా ఈ సినిమాలో వీళ్లిద్దరి మధ్య ఆరు ఫైట్ సీన్స్ ఉంటాయని టాక్, చూడాలి మరి!.
