Devara : ఆర్ఆర్ఆర్ సినిమాతో అంతర్జాతీయ గుర్తింపు సంపాదించుకున్నారు ఎన్టీఆర్. ప్రస్తుతం ఆయన దేవర అనే సినిమాలో నటిస్తున్న సంగతి తెలిసిందే. ఈ సినిమాలో ఎన్టీఆర్ సరసన బాలీవుడ్ బ్యూటీ జాన్వీ కపూర్ హీరోయిన్ గా టాలీవుడ్ కు ఎంట్రీ ఇస్తుంది. ఈ సినిమాలో సెకండ్ హీరోయిన్కు ఛాన్స్ ఉండడంతో ఆ హీరోయిన్ ఎవరా అన్న సస్పెన్స్ ఇన్నాళ్లుగా కొనసాగుతూనే ఉంది. ఎన్టీఆర్ సరసన ఆ రేంజ్ లో నటించగలిగే హీరోయిన్ ఎవరా అంటూ జుట్టు పీక్కున్న జనాలకు ఫైనల్లీ ఓ కంక్లూజన్ ఇచ్చేశాడు కొరటాల శివ. ఆచార్య లాంటి డిజాస్టర్ అందుకున్న తర్వాత కొరటాల శివ ఎంతో కేర్ఫుల్గా చాలా జాగ్రత్తగా తెరకెక్కిస్తున్న సినిమా దేవర.
జూనియర్ ఎన్టీఆర్ కూడా ఆర్ఆర్ఆర్ తర్వాత చాలా టైం గ్యాప్ తీసుకొని మరీ ఈ సినిమాను ఓకే చేశారు. ఇప్పటికే ఈ సినిమాకి సంబంధించిన రెండు షెడ్యూల్స్ కంప్లీట్ అయ్యాయి. ఈ సినిమాలో మొదటి హీరోయిన్ జాన్వీ కపూర్ ఇప్పటికే కొంత షూటింగ్ కూడా కంప్లీట్ చేశారు. రెండవ హీరోయిన్గా ఎవరబ్బా అంటూ చాలా రోజుల నుంచి ఇంట్రెస్టింగ్ చర్చలు వినిపిస్తున్నాయి.
అయితే ఒకసారి ఆలియా ఆ తర్వాత మృణాల్ ఠాకూర్ ఆ తర్వాత రష్మిక మందన్న అంటూ రకరకాల పేర్లు వైరల్ అయ్యాయి. ఫైనల్లీ ఆ ప్లేస్ లోకి సాయి పల్లవి వచ్చేసింది. సినిమా కథ.. కంటెంట్ బట్టి ఎక్స్పోజింగ్ లేకుండా ట్రెడిషనల్ లుక్స్ లో ఉన్న హీరోయిన్ అయితే బాగుంటుంది అంటూ కొరటాల శివ ఈ నిర్ణయం తీసుకున్నారట . దీంతో స్క్రీన్ పై వీళ్ళిద్దరూ స్టెప్స్ వేస్తే ఎలా ఉంటుంది అంటూ ఫ్యాన్స్ ఊహించుకుని మరి ఈ న్యూన్ ట్రెండ్ చేస్తున్నారు.