Sai Pallavi : కేవలం నటనకి మాత్రమే ప్రాధాన్యత ఇస్తూ ఇండస్ట్రీ లో టాప్ స్టార్ రేంజ్ కి ఒక హీరోయిన్ రావడం అనేది సాధారమైన విషయం కాదు. ఎందుకంటే ఒక హీరోయిన్ కెరీర్ సాఫీగా సాగాలంటే కచ్చితంగా అందాలను ఆరబోయాలి, డైరెక్టర్స్, హీరోలు ఏది కోరితే అది చెయ్యాలి. కానీ కొంతమంది హీరోయిన్స్ అలాంటివి చెయ్యడం ఇష్టం లేక, అవకాశాలు దక్కించుకోక ఎంత తొందరగా ఇండస్ట్రీ కి వచ్చారో, అంతే తొందరగా ఇండస్ట్రీ నుండి వెళ్ళిపోయేవారు.
కానీ సైపల్లవి మాత్రం అందుకు పూర్తిగా విరుద్ధం. ఈమె డేట్స్ కోసం దర్శక నిర్మాతలు పడిగాపులు కాస్తూ ఉంటారు. కానీ ఈమె ప్రతీ సినిమాకి ఒప్పుకునే టైపు కాదు. అప్పట్లో మెగాస్టార్ చిరంజీవి సినిమాలో ఒక ముఖ్యమైన పాత్ర పోషించే అవకాశం వచ్చినా కూడా, ఆమె చెయ్యలేదు. ఎందుకంటే ఇది ఒక రీమేక్ సినిమా, మనకి సెట్ అవ్వదు అని ముఖం మీదనే చెప్పి పంపేసింది.
కానీ ఇప్పుడు అదే చిరంజీవి సినిమాలో నటించడానికి ఒప్పుకుంది. పూర్తి వివరాల్లోకి వెళ్తే మెగాస్టార్ చిరంజీవి ప్రస్తుతం ‘బింభిసార’ ఫేమ్ వశిష్ఠ దర్శకత్వం లో ‘విశ్వంభర’ అనే సినిమాలో నటిస్తున్న సంగతి తెలిసిందే. సోషియో ఫాంటసీ నేపధ్యం లో తెరకెక్కుతున్న ఈ సినిమాకి సంబంధించిన టైటిల్ టీజర్ ని రీసెంట్ గానే విడుదల చేసింది మూవీ టీం.
ఈ చిత్రం లో ముగ్గురు హీరోయిన్లు నటిస్తారట. వాళ్ళు ఎవరో అధికారికంగా తెలియకపోయినా, సాయి పల్లవి మాత్రం ఒక దేవత పాత్రలో కనిపించబోతుందని లేటెస్ట్ గా ఇండస్ట్రీ వర్గాల్లో వినిపిస్తున్న టాక్. స్వయంగా చిరంజీవి సాయి పల్లవి కి ఫోన్ చేసి, ఈ పాత్ర నువ్వు మాత్రమే చెయ్యగలవ్, చేస్తున్నావ్ కూడా అని అన్నాడట. సాయి పల్లవి కూడా మెగాస్టార్ ఆఫర్ ని వెంటనే ఒప్పుకొని ఈ సినిమాలో దేవత పాత్రని చెయ్యడానికి అంగీకరించిందట.
