కోట్లాది మంది అభిమానులు ఎప్పుడెప్పుడా అని ఎదురు చూస్తున్న పవన్ కళ్యాణ్ ‘బ్రో ది అవతార్’ సినిమాకి సంబంధించిన టీజర్ అప్డేట్ ఈరోజు రానుంది. ఈ సందర్భంగా అభిమానులకు ఊహించని సర్ప్రైజ్ ఇస్తూ, ఆ చిత్ర దర్శకుడు సముద్ర ఖని కాసేపటి క్రితమే విడుదల చేసిన ఒక పోస్టర్ కి పవన్ కళ్యాణ్ ఫ్యాన్స్ నుండి సెన్సేషనల్ రెస్పాన్స్ వచ్చింది. ఈ రేంజ్ మాస్ యాంగిల్ ని ఊహించలేదు అంటూ, ఫ్యాన్స్ సంబర పడిపోతున్నారు.
పోస్టర్ విడుదలైన నిమిషాల వ్యవధి లోనే సోషల్ మీడియా లో సునామి వచ్చినట్టు అనిపించింది. ఈ పోస్టర్ లో పవన్ కళ్యాణ్ మరియు సాయి ధరమ్ తేజ్ లుంగీలు కట్టుకొని స్టైల్ గా నిల్చున్న ఫోజు అభిమానులకు తెగ నచ్చేసింది. ముఖ్యంగా పవన్ కళ్యాణ్ లుక్ ని చూసి ఫ్యాన్స్ మురిసిపోతున్నారు. కెరీర్ ప్రారంభం లో పవన్ కళ్యాణ్ చేసిన ‘తమ్ముడు’ చిత్రం ఎంత పెద్ద బ్లాక్ బస్టర్ హిట్ అయ్యిందో అందరికీ తెలిసిందే.
ఆ తమ్ముడు చిత్రం లో పవన్ కళ్యాణ్ ‘వయ్యారి భామ నీ హంస’ నడక అనే సాంగ్ లో ఇలాగే లుంగీ కట్టుకొని హీరోయిన్ వెంటపడతాడు. ఈ పోస్టర్ లో కూడా పవన్ కళ్యాణ్ లుక్ ఆ రేంజ్ లోనే ఉంది. అంతే కాదు పవన్ కళ్యాణ్ చేతికి ధరించిన బ్యాడ్జి ని ఒకసారి గమనిస్తే అది జనసేన బ్యాడ్జి అని అర్థం అవుతుంది. దీనిని బట్టీ ఈ చిత్రాన్ని ఫ్యాన్స్ అభిరుచి కి తగ్గట్టుగా డైరెక్టర్ సముద్ర ఖని ఏ రేంజ్ లో తీసి ఉంటాడో అర్థం చేసుకోవచ్చు అని అంటున్నారు ఫ్యాన్స్.
ఈ చిత్రం తమిళం లో మంచి రెస్పాన్స్ ని దక్కించుకున్న వినోదయ్యా చిత్తం అనే సినిమాని ఆధారంగా తీసుకొని తెరకెక్కించిన సంగతి అందరికీ తెలిసిందే. ఈ చిత్రానికి ప్రముఖ దర్శకుడు త్రివిక్రమ్ శ్రీనివాస్ మాటలు మరియు స్క్రీన్ ప్లే అందించాడు, ఫ్యాన్స్ కి జులై 28 క్వా తారీఖున థియేటర్స్ లో పండుగ చేసుకునే రేంజ్ లో ఉంటుందని అంటున్నారు, చూడాలి మరి.
