పవర్ స్టార్ పవన్ కళ్యాణ్ ఇప్పుడు వరుస సినిమాలతో బిజీగా ఉన్నాడు..ప్రస్తుతం సముద్రఖని దర్శకత్వంలో ‘బ్రో’ సినిమా చేస్తున్న సంగతి తెలిసిందే.. ఈ సినిమాకు పవన్ పార్ట్ షూటింగ్ ను పూర్తి చేశారు.. తేజ్ కూడా షూటింగ్ లో బిజీగా ఉన్నాడు.. అయితే విడుదల తేదీ కూడా దగ్గర పడుతున్న సినిమా నుంచి పోస్టర్ తప్ప మరో అప్డేట్ రాలేదని చెప్పాలి.. ఈ విషయం పై ఫ్యాన్స్ నిరాశలో ఉన్నారు.. పవన్ కూడా సైలెంట్ గా ఉండటంతో సినిమాను పక్కన పెట్టాడనే వార్తలు నెట్టింట ప్రచారంలో ఉన్నాయి.. ఇప్పుడు మరో ఇంట్రెస్టింగ్ న్యూస్ సోషల్ మీడియాలో ప్రచారంలో ఉంది..
ఈ సినిమా విడుదల తేదీని జూలై 28న నిర్ణయించారు. అయితే సినిమా విడుదలకు ఇంకా 40 రోజులు మాత్రమే సమయం ఉంది. అయితే ఇప్పటి వరకు ఒక్క పోస్టర్ మినహా సినిమాకు సంబంధించి ఎలాంటి అప్‌డేట్స్‌ రాలేదు. ఆ పోస్టర్ కూడా చాలా సింపుల్ గా ఉంది. సినిమాకు సంబంధించి ఒక్క కాన్సెప్ట్ పోస్టర్ కూడా విడుదల చేసే ప్రయత్నం చేయలేదు.. ఇక టీజర్, ట్రైలర్, సాంగ్స్ ఏవి విడుదల చెయ్యలేదు.. కనీసం పవన్ సాంగ్ ఇదే అనే ఒక హింట్ కూడా మేకర్స్ ఇవ్వకపోవడం పై ఇండస్ట్రీలో గుసగుసలు వినిపిస్తున్నాయి..
ఇది ఇలా ఉండగా.. సినిమా ప్రమోషన్ అనుకున్నంతగా జరగలేదు అన్నది ఫ్యాన్స్ ఆవేదన. ఇంకా చిత్రీకరణ పూర్తి కాకపోవడంతో అందరి దృష్టి సముద్రఖనిపై పడింది. ఈ నేపథ్యంలో అన్ని ప్రచార కార్యక్రమాలను తాత్కాలికంగా నిలిపివేశారు. ఈ నెలాఖరులోగా చిత్రీకరణ పూర్తయ్యే అవకాశం ఉంది. తర్వాత ట్రైలర్‌ని విడుదల చేసి అందరి దృష్టిని ఆకర్షించాలనుకున్నారని టాక్.. మరి ఇందులో నిజమేంత ఉందో తెలియాలంటే మరి కొద్ది రోజులు ఆగాల్సిందే.. ఏది ఏమైనా పవన్ కళ్యాణ్ సినిమాకు సైలెన్స్ ఉండటం అస్సలు బాగోలేదని ఆయన ఫ్యాన్స్ అంటున్నారు..చూద్దాం ఏమౌతుందో..