Bigg Boss Telugu 7 : ఈ సీజన్ లో బిగ్ బాస్ ఇచ్చిన ట్విస్టులు ఇప్పటి వరకు ఏ సీజన్ లో కూడా ఇవ్వలేదు అని చెప్పడం లో ఎలాంటి సందేహం లేదు. ‘ఉల్టా పల్టా’ అనే పదానికి ప్రతీ వారం న్యాయం చేస్తూనే ఉంది బిగ్ బాస్ టీం. కచ్చితంగా ఇలా జరుగుతుంది అని ఆడియన్స్ అనుకుంటే, అలా కాకుండా మరో లాగ జరుగుతుంది. గత వారం బిగ్ బాస్ హౌస్ లోకి వైల్డ్ కార్డు ఎంట్రీ ద్వారా 5 మంది కంటెస్టెంట్స్ అడుగుపెట్టిన సంగతి తెలిసిందే. వీరిలో ముగ్గురు నామినేషన్స్ లోకి వచ్చారు.
కానీ సోషల్ మీడియా లో జరిగిన అనధికారిక పోలింగ్స్ అన్నిట్లో కూడా శోభా శెట్టి కి అతి తక్కువ ఓట్లు వచ్చినట్టుగా తెలుస్తుంది. కానీ ఆమె ఈ వారం సేవ్ అయ్యి, ఆమె బదులుగా కొత్తగా హౌస్ లోకి అడుగుపెట్టిన నాయని పావని ఎలిమినేట్ అయ్యింది. ఈమె ఎలిమినేషన్ హౌస్ మేట్స్ తో పాటుగా ఆడియన్స్ ని కూడా బాగా ఎమోషనల్ కి గురి చేసింది.
ఈమె పడుతున్న బాధని చూసి, ఏమైనా ఛాన్స్ ఉంటే నేను ఇంటికి వెళ్ళిపోతాను, ఆ అమ్మాయిని లోపలకు పంపండి, ఎలాగో నాకు భుజానికి దెబ్బ తగిలి టాస్కులు ఆడలేకపోతున్నాను అంటాడు. కానీ నాగార్జున అందుకు ఒప్పుకోడు. అయితే రేపు జరగబోయే ఎపిసోడ్ ప్రోమో లో బిగ్ బాస్ శివాజీ ని కన్ఫెషన్ రూమ్ లోకి పిలిచి , మీ భుజానికి గాయం అయ్యింది, మీరు హౌస్ నుండి బయటకి వెళ్ళక తప్పదు అని అంటాడు.
శివాజీ హౌస్ లో ఉన్న కంటెస్టెంట్స్ అందరికీ గుడ్బై చెప్పి వెళ్ళిపోతాడు. బిగ్ బాస్ హౌస్ మేట్స్ అందరూ వెళ్లొద్దు అంటూ ఏడుస్తూ ఉంటారు. వాస్తవానికి శివాజీ కి ట్రీట్మెంట్ ఇప్పించడం కోసమే మెరుగైన వైద్యం కోసం హాస్పిటల్ కి పంపారు. మళ్ళీ ఆయన వెంటనే తిరిగి వస్తాడు అనే అందరూ అనుకుంటున్నారు. మరి తిరిగి వస్తాడా, లేదా ఎలిమినేట్ అవుతాడా అనేది తెలియాల్సి ఉంది.