Bigg Boss Telugu : స్టార్ మా ఛానల్ లో గత 5 వారాల నుండి ప్రసారం అవుతున్న బిగ్ బాస్ సీజన్ 7 కి ఎంత మంచి రెస్పాన్స్ వస్తుందో మనమంతా చూస్తూనే ఉన్నాం. ఈ సీజన్ ప్రేక్షకుల ఊహకు అందని విధంగా సాగుతుంది. ఇప్పటి వరకు 5 మంది కంటెస్టెంట్స్ ఎలిమినేట్ అయ్యారు. గౌతమ్ కృష్ణ ప్రస్తుతం సీక్రెట్ రూమ్ లో ఉన్నాడు. 5 మంది కంటెస్టెంట్స్ ఎలిమినేట్ అయ్యారు కాబట్టి, నిన్న రాత్రి మరో 5 మంది కొత్త కంటెస్టెంట్స్ ని వైల్డ్ కార్డు ఎంట్రీ ద్వారా లోపలకి పంపారు.
ఆ 5 మంది ఎవరంటే అర్జున్ అంబటి, భోలే శవాలీ, నాయని పావని, అశ్విని మరియు పూజా. వీళ్ళ ఎంట్రీ జరిగిన రోజే బిగ్ బాస్ తన గేమ్ ని ప్రారంభించాడు. ఆయన గేమ్ ప్లాన్ చూస్తూ ఉంటే బిగ్ బాస్ లో మొదటి వారమే కొత్త కంటెస్టెంట్స్ కి మరియు పాత కంటెస్టెంట్స్ కి గొడవలు పెట్టేలాగా ఉన్నాడు.
ఈ కొత్త కంటెస్టెంట్స్ ఎంటర్ అయినా వెంటనే వాళ్లకి బిగ్ బాస్ బెడ్స్ ఇంట్లో ఉన్న వాళ్లందరికీ ఇచ్చే బాధ్యత అప్పజెప్పాడు. ఎప్పటి నుండో ఎంతో కస్టపడి గేమ్ ఆడిన పాత కంటెస్టెంట్స్ కి కూడా ఇవ్వకుండా, కొత్తవాళ్లకు ఇవ్వడం లో బిగ్ బాస్ ఆంతర్యం గొడవలు పెట్టడానికే అన్నట్టుగా ఉంది. కొత్త వాళ్ళు మొత్తం డీలక్స్ రూమ్ ని తమకి కేటాయించుకున్నారు. పాత కంటెస్టెంట్స్ కి స్టాండర్డ్ బెడ్స్ ఇచ్చారు.
మరోపక్క గార్డెన్ ఏరియా మొత్తం క్లోజ్ చేసేసారు. రేపు గొడవలు ఏ రేంజ్ లో ఉండబోతున్నాయో చూడాలి. కచ్చితంగా ఇంట్లో కొత్త వాళ్లకి మరియు పాత కంటెస్టెంట్స్ కి పచ్చ గడ్డి వేస్తే భగ్గుమనే రేంజ్ గొడవలు ఉండబోతున్నాయని అర్థం అయ్యింది. ఈ బిగ్ బాస్ 7 2 పాయింట్ O వెర్షన్ ఇంకెన్ని ట్విస్టులు ఇవ్వబోతుందో చూడాలి.