Bigg Boss Ashwini : ఈ సీజన్ బిగ్ బాస్ హౌస్ లోకి వైల్డ్ కార్డు ఎంట్రీ ద్వారా అడుగుపెట్టిన కంటెస్టెంట్స్ లో ఒకరు అశ్వినీ శ్రీ. ఈమె బిగ్ బాస్ హౌస్ లోకి అడుగుపెట్టక ముందే పలు సినిమాల్లో హీరోయిన్ గా నటించింది, పలు చిత్రాల్లో క్యారక్టర్ ఆర్టిస్టుగా కూడా చేసింది. అయితే పెద్దగా ఎక్కడా గుర్తింపు రాలేదు కానీ బిగ్ బాస్ హౌస్ లోకి వచ్చిన తర్వాత ఆమె కోట్లాది మంది తెలుగు ప్రేక్షకులకు బాగా దగ్గరైంది.
ప్రతీ చిన్న విషయానికి కోపం తెచ్చుకొని అలిగేస్తుంది కానీ, గేమ్స్ మాత్రం ఈమె మగవాళ్ళతో సరిసమానంగా ఆడుతుంది. అయితే గత వారం ఎవరిని నామినేట్ చెయ్యాలో అర్థం కాక తనని తానూ నామినేట్ చేసుకొని బయటకి వచ్చేసింది. బిగ్ బాస్ కంటెస్టెంట్స్ బయటకి వచ్చిన తర్వాత గీతూ రాయల్ స్టార్ మా ఛానల్ తరుపున ఎగ్జిట్ ఇంటర్వ్యూస్ చేస్తూ వచ్చిన సంగతి మన అందరికీ తెలిసిందే.
అలా అశ్వినీ తో కూడా ఇంటర్వ్యూ చేసింది. ఈ ఇంటర్వ్యూ కి సంబంధించిన ప్రోమోని రీసెంట్ గానే విడుదల చేసారు. ఈ ప్రోమో లో ప్రేక్షకులు ట్విట్టర్ లో చేసిన కామెంట్స్ ని చూపిస్తూ దానికి సమాధానం అడిగింది గీతూ రాయల్. వాటిల్లో ఒక ప్రేక్షకుడు అడిగిన ప్రశ్న ఏమిటంటే ‘బిగ్ బాస్ కి ఎందుకు వచ్చావో తెలియదు..ఏమి చేస్తున్నావో తెలియదు..అసలు ఏమి ఉపయోగం అశ్వినీ నీ వల్ల బిగ్ బాస్ ఫ్యాన్స్ కి’ అని ఒక ప్రేక్షకుడు అడిగిన ప్రశ్న ని చూపిస్తుంది గీతూ.
అప్పుడు అశ్వినీ ‘ఇలాంటి ప్రశ్నలు అడిగితే ఇక్కడి నుండి నేను వెళ్ళిపోతా’ అని అంటుంది. దానికి గీతూ ‘ఇంత చిన్న స్ట్రెస్ ని కూడా తీసుకోలేకపోతే ఎలా అశ్వినీ’ అని అనగా, ‘నేను ఏమి చేస్తే వాళ్లకి ఎందుకు అండీ’ అని అంటుంది అశ్వినీ. మరి వాళ్ళే కదా నీకు ఓటు వేసేది అని బదులిస్తుంది గీతూ.