OTT movies థియేటర్స్ లో విడుదలయ్యే సినిమాలకంటే ఎక్కువగా ఈమధ్య ఓటీటీ లో విడుదల అయ్యే సినిమాల కోసం ఆడియన్స్ అమితాసక్తితో ఎదురు చూస్తున్న సంగతి తెలిసిందే. కరోనా లాక్ డౌన్ సమయంలో జనాలు దీనికి బాగా అలవాటు పడిపోయారు. ఒకానొక దశలో ఓటీటీ సంస్థ వారు నిర్మాతలకు ఫ్యాన్సీ రేట్స్ ని ఆఫర్ చెయ్యడం, నిర్మాతలు కూడా ఎక్కువ డబ్బులు వస్తూండేలోపు కాదు అనలేక ఒప్పుకోవడం వల్ల థియేట్రికల్ బిజినెస్ బాగా పడిపోయింది. దీనికి పరిష్కారం ఆలోచించిన నిర్మాతల మండలి థియేటర్స్ లో విడుదలైన 8 వారాల తర్వాతనే ఓటీటీ లో విడుదల చెయ్యాలని ప్రతిపాదించుకున్నారు. కానీ కొన్ని సినిమాలు థియేటర్స్ లో డిజాస్టర్ ఫ్లాప్స్ అవ్వడం తో అనుకున్న తేదీ కంటే ముందే వచ్చేస్తున్నాయి.
మరి కొన్ని సినిమాలు అయితే కలెక్షన్స్ తగ్గగానే ఓటీటీ లో విడుదల అవుతున్నాయి. అలా ఈ నెలలో ఓటీటీ లో సందడి చెయ్యబోతున్న క్రేజీ మూవీస్ ఏమిటో ఒకసారి చూద్దాము. ముందుగా ఈ ఏడాది భారీ అంచనాల నడుమ విడుదలై బాక్స్ ఆఫీస్ బోల్తా కొట్టిన శంకర్, కమల్ హాసన్ ఇండియన్ 2 చిత్రం ఆగస్టు మొదటి వారం లోనే తెలుగు, హిందీ, తమిళ భాషల్లో విడుదల కానుంది. అలాగే గత నెలలో ప్రియా దర్శి, నబ్బా నటేష్ కాంబినేషన్ లో వచ్చిన కామెడీ ఎంటర్టైనర్ ‘డార్లింగ్’ కూడా ఈ నెలలోనే హాట్ స్టార్ యాప్ లో విడుదల కానుంది. ఇక ఇటీవలే థియేటర్స్ లో విడుదలై మంచి రెస్పాన్స్ ని దక్కించుకున్న ‘పేక మేడలు’ చిత్రం కూడా ఈ నెలలోనే విడుదల కాబోతుంది.
అలాగే పాయల్ రాజ్ పుత్ ప్రధాన పాత్రలో నటించిన ‘రక్షణ’ అనే చిత్రం కూడా ఈ వారం లోనే ఆహా లో స్ట్రీమింగ్ అవ్వబోతుంది. ఇక ఓటీటీ లవర్స్, ప్రేక్షకులు ఎప్పుడెప్పుడా అని వెయ్యి కళ్ళతో ఎదురు చూస్తున్న ప్రభాస్ లేటెస్ట్ సెన్సేషన్ ‘కల్కి’ ఆగష్టు 23 వ తారీఖున అమెజాన్ ప్రైమ్ వీడియో లో స్ట్రీమింగ్ అయ్యేందుకు సిద్ధంగా ఉంది. థియేటర్స్ లో రికార్డు స్థాయి వసూళ్లను నమోదు చేసుకుంటూ వెయ్యి కోట్ల రూపాయలకు పైగా గ్రాస్ వసూళ్లను రాబట్టిన ఈ చిత్రం ఓటీటీ ఆడియన్స్ ని ఎలా అలరించబోతుందో చూడాలి.వీటితో పాటుగా మరికొన్ని క్రేజీ హాలీవుడ్ మూవీస్ , వెబ్ సిరీస్ లు కూడా ఈ నెలలో ఓటీటీ లో సందడి చేయనున్నాయి.
