Bigg Boss : ఈ సీజన్ మొదటి వారం నుండి మొన్నటి వారం వరకు అమర్ దీప్ నామినేషన్స్ లోకి కేవలం రెండు సార్లు మాత్రమే రాలేదు. ప్రతీ వారం నామినేట్ అవ్వడం, తర్వాత సేవ్ అవ్వడం అమర్ కి చాలా కామన్ అయిపోయింది. అయితే ఈ వారం కూడా ఆయన నామినేషన్స్ లో లేకపోవడం విశేషం. ఒక్క అమర్ దీప్ తప్ప హౌస్ లో ఉన్న కంటెస్టెంట్స్ మొత్తం నామినేషన్స్ లోకి వచ్చాడు.
అమర్ దీప్ నామినేషన్స్ లో లేడు కాబట్టి, ఆయనకీ పడే ఓట్లు మొత్తం శోభా శెట్టి కి పడే అవకాశం ఉంది. ఎందుకంటే అమర్ దీప్ ని కెప్టెన్ చెయ్యడం కోసం శోభా శెట్టి ఎంతో పరితపించింది. అతని కోసం పోరాడింది, బ్రతిమిలాడింది కూడా. ప్రతీ మనిషికి ఇలాంటి గొప్ప స్నేహితురాలు కచ్చితంగా ఉండాలి అనేలా అనిపించింది శోభా శెట్టి ప్రవర్త చూస్తే, అందుకే ఈ వారం నామినేషన్స్ లో ఓటింగ్ పరంగా శోభా శెట్టి టాప్ 2 లో ఉండొచ్చు.
ఇక ఈ వారం హౌస్ మేట్స్ అందరూ ఎక్కువగా శివాజీ ని టార్గెట్ చేసినట్టుగా అనిపించింది. అందరికంటే అత్యధిక నామినేషన్స్ ఈసారి ఆయనకే పడ్డాయి. స్నేహితుడు అనుకుంటున్న అర్జున్ కూడా అమర్ విషయం లో మా భార్య ని అడ్డుపెట్టుకున్నావు అని చెప్పి నామినేట్ చేసాడు. అప్పుడు శివాజీ ఎమోషనల్ గా, ఈ ఫ్రెండ్ షిప్ బ్యాండ్ నాకు కట్టావు, నేను నిజం అని అనుకున్నాను, కానీ నిన్ను నమ్మి తప్పు చేశాను అంటూ ఫ్రెండ్ షిప్ బ్యాండ్ ని తీసేస్తాడు.
మొత్తానికి ఈ నామినేషన్స్ శివాజీ మీద జనాల్లో సానుభూతిని పెంచేందుకు పెట్టారు అనే విషయం అర్థం అవుతుంది. ఇప్పుడు నామినేషన్స్ లోకి వచ్చిన కంటెస్టెంట్స్ లో అర్జున్ ఎలిమినేట్ అయ్యే అవకాశాలు ఎక్కువగా ఉన్నాయి. అన్నీ సీజన్స్ లో లాగా టాప్ 5 కాకుండా ఈసారి టాప్ 7 కంటెస్టెంట్స్ ఉంటారని టాక్.
