టాలీవుడ్ హీరో అల్లు అర్జున్ గంగోత్రి సినిమాతో హీరోగా మారి ఇప్పుడు పాన్ ఇండియా లెవల్‌లో గుర్తింపు తెచ్చుకున్నాడు. ఆయన ఫ్యాన్ ఫాలోయింగ్ గురించి అయితే ప్రత్యేకంగా చెప్పక్కర్లేదు. మరీముఖ్యంగా నా పేరు సూర్య నా ఇల్లు ఇండియా అనే సినిమా తరువాత గాప్ తీసుకుని చేసిన ‘పుష్ప’ మూవీతో పాన్ ఇండియా లెవల్‌లో గుర్తింపు తెచ్చుకున్నాడు.
ఇక ఆయన అభిమానులు కూడా వయసుతో సంబంధం లేకుండా ఆయనని అభిమానిస్తూ ఉంటారు. ఇక అలా అల్లు అర్జున్ ను పిచ్చిగా అభిమానించిన ఓ చిన్నారి అభిమాని తిరిగిరాని లోకాలకు వెళ్లిపోయారు. కృష్ణా జిల్లా ఇందుపల్లికి చెందిన 12 ఏళ్ల శ్రీ వాసుదేవ అల్లు అర్జున్ కు వీరాభిమాని, అల్లు అర్జున్ యాక్టింగ్, డాన్స్ అంటే ఆ బుడతడికి చాలా ఇష్టం. అయితే ఎక్కువ రోజులు ఆ బాబు బ్రతకడు అని తెలుసుకున్న అల్లు అర్జున ఆ బాబును కలిసి చివరి కోరిక తీర్చాలని అనుకున్నాడు.
చికిత్స నిమిత్తం హైదరాబాద్‌ కూకట్‌పల్లిలో నివాసం ఉంటున్న బాలుడిని పరామర్శించేందుకు అల్లు అర్జున్ సిద్ధమవుతున్న సమయంలో ఆసుపత్రిలో శ్రీవాసుదేవ చివరి కోరిక తీరకుండానే మృతి చెందాడు. ఇక అతన్ని చూసేందుకు వెళ్ళడానికి సిద్దమైన అల్లు అర్జున్ ఈ విషయం తెలిసి తల్లడిల్లిపోయాడు, ఆ బాలుడి చివరి కోరిక తీర్చలేక పోయానని బాధ పడినట్లు తెలుస్తోంది.