Naatu Naatu Step : గ్లోబల్ హిట్ అయిన RRR సినిమా అంటే తెలియ‌ని వారు ఉండ‌రు. అందులో నాటు నాటు పాటలో హుక్ స్టెప్ ఎంత పాపులర్ అయ్యిందో ప్రత్యేకంగా చెప్పనవసరం లేదు. యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్ కలిసి వేసిన స్టెప్ ప్రపంచవ్యాప్తంగా ఫేమస్ అయింది. వారి సూపర్ డ్యాన్స్, గ్రేస్, కో-ఆర్డినేషన్ అందరినీ ఆశ్చర్యపరిచాయి. చాలా మంది ఈ హుక్ స్టెప్‌ని ప్రయత్నించారు. చాలా మంది ఈ ‘నాటు నాటు’ స్టెప్ వేసి సోషల్ మీడియాలో వీడియోలు పోస్ట్ చేశారు. అయితే ఇప్పుడు ఆ ‘నాటు నాటు’ హుక్ స్టెప్ ను ఓ బాలీవుడ్ సినిమాలో వాడారంటూ వ‌చ్చి వ‌చ్చిన వార్త‌లు వైరల్ అయ్యాయి.
తాజాగా ‘బడే మియా చోటే మియా’ చిత్రంలోని మస్త్ మలాంగ్ జూమ్ అనే పాటను విడుదల చేశారు. ఫుల్ ప్యాషన్ తో సాగే ఈ పాట అలరిస్తుంది. ఈ పాటలో స్టార్ హీరోలు అక్షయ్ కుమార్, టైగర్ ష్రాఫ్ స్టెప్పులు వేశారు. అయితే పాట మధ్యలో ఓ సమయంలో ఇద్దరూ కలిసి హుక్ స్టెప్ వేశారు. ఇది దాదాపు నాటు నాటు అడుగులా ఉంటుంది. దాన్ని స్ఫూర్తిగా తీసుకుని అక్షయ్, ష్రాఫ్‌లు ఈ స్టెప్ వేస్తున్న‌ట్లు వీడియో బిట్‌, స్టెప్ ఫోటోలు సోషల్ మీడియాలో వైరల్ అయ్యాయి.
ఇదీ నెటిజన్ల స్పందన..
అక్షయ్, టైగర్ ష్రాఫ్.. ‘నాటు నాటు’ తరహాలో హుక్ స్టెప్ వేసిన ఈ వీడియో సోషల్ మీడియాలో వైరల్ అవుతోంది. బాలీవుడ్ వెర్షన్ ‘నాటు నాటు’ అని పలువురు వ్యాఖ్యానిస్తున్నారు. మరికొందరు నాటు నాటు స్టెప్ ను బాలీవుడ్ కూడా రీమేక్ చేసిందని రాస్తున్నారు. మరికొందరు ఈ స్టెప్ కు సంబంధించి ఎన్టీఆర్ – రామ్ చరణ్ , అక్షయ్ – టైగర్ లను పోలుస్తూ ట్వీట్లు చేస్తున్నారు. ఇంకొంద‌రైతే ఫైర్ అవుతున్నారు. ఏయ్ ఆ నాటు స్టెప్పుల‌కు, ఈ నాటు స్టెప్పుల‌కు ఏమైనా పోలికలు ఉన్నాయా.. మీకు క‌ళ్లు దొబ్బాయా.. మ‌రీ ఇలా ద‌గ‌లెడ్డారేంట్రా మూర్ఖుల్లారా.. డ్యాన్స్ కి స్టెప్పుల‌కు తేడా తెలియ‌దు కానీ.. కామెంట్లు మాత్రం అది ఇదీ ఒక‌టే అంటూ మాట‌లు ఆపండ్రా అంటూ ఓ నెటిజ‌న్ కామెంట్లపై ఫైర్ అయ్యాడు. మొత్తానికి బడే మియా చోటే మియా చిత్రంలోని మస్త్ మలాంగ్ జూమ్ పాటలో ఈ స్టెప్ టాక్ ఆఫ్ ది టౌన్ అయింది.
బడే మియా చోటే మియా యాక్షన్ థ్రిల్లర్ మూవీగా రాబోతోంది. ఈ సినిమాలో అక్షయ్ కుమార్, టైగర్ ష్రాఫ్‌లతో పాటు మలయాళ స్టార్ పృథ్వీరాజ్ సుకుమారన్ కూడా ప్రధాన పాత్రలో నటించారు. సోనాక్షి సిన్హా, మానుషి చిల్లార్, అలయ, రోనిత్ బోస్ రాయ్, సునీల్ శెట్టి కీలక పాత్రలు పోషించారు. ఈద్ సందర్భంగా ఈ ఏడాది ఏప్రిల్ రెండో వారంలో విడుదల చేయనున్నారు. బడే మియా చోటే మియా చిత్రం హిందీతో పాటు తెలుగు, తమిళం, కన్నడ, మలయాళ భాషల్లో విడుదల కానుంది. ఈ యాక్షన్ ప్యాక్డ్ చిత్రానికి అలీ అబ్బాస్ జాఫర్ దర్శకత్వం వహిస్తున్నారు.
ఈ చిత్రానికి సంగీతం విశాల్ మిశ్రా మరియు జూలియస్ పాకియం స్వరాలు సమకుర్చారు. జాకీ భగ్నాని, వాషు భగ్నాని, దీప్శిఖా దేశ్‌ముఖ్, అలీ అబ్బాస్ జాఫర్, హిమాన్షు కిషన్, సునీల్ శెట్టి నిర్మాతలుగా వ్యవహరించారు. కాగా, రాజమౌళి దర్శకత్వం వహించిన ఆర్ఆర్ఆర్ సినిమాలోని ‘నాటు నాటు’ పాట ప్రతిష్టాత్మక ఆస్కార్ అవార్డును గెలుచుకుంది. ఈ చిత్రానికి కీరవాణి సంగీతం అందించారు. ప్రపంచవ్యాప్తంగా సూపర్ హిట్ అయిన ‘RRR’ సినిమాతో రామ్ చరణ్, ఎన్టీఆర్ గ్లోబల్ స్టార్స్ అయ్యారు.