పవర్ స్టార్ పవన్ కళ్యాణ్ – రేణు దేశాయ్ గురించి ప్రత్యేకంగా చెప్పనక్కర్లేదు. వీరిద్దరూ ప్రేమించుకుని పెళ్లి చేసుకున్నారు.. వీరి ప్రేమకు నిదర్శనంగా వారికి ఇద్దరు పిల్లలు కలిగారు. అందులో అకిరా నందన్ కాగా మరొక కుమార్తె ఆద్య. ఈ ఇద్దరు పుట్టిన తర్వాత కొంత కాలానికి పవన్ రేణు విడిపోయారు. ఇప్పుడు రేణుదేశాయ్ పిల్లలతో ఒంటరిగా జీవిస్తోంది.
ఈ కథంతా అందరికీ తెలిసిందే.. ఇదంతా పక్కన పెడితే అకిరా నందన్ వర్కౌట్స్ చేస్తుండగా తల్లి రేణుదేశాయ్ వీడియో తీసి సోషల్ మీడియాలో షేర్ చేసింది.. ఈమె షేర్ చేసిన కొద్ది నిమిషాలకే వీడియో బాగా వైరల్ అయింది. జిమ్ లో అకిరా వర్కౌట్స్ చేస్తూ ప్రభాస్ సినిమా బాహుబలి పాటలు వింటూ కనిపించాడు. దీని గురించి రేణు దేశాయ్ ఎమోషనల్ పోస్ట్ చేసింది.
‘జిమ్ లో వర్కౌట్స్ చేస్తున్నప్పుడల్లా ఇంగ్లీష్ పాటలకు బదులుగా హిందీ పాటలు పెట్టమని అడిగినప్పుడల్లా నన్ను వింతగా చూసేవాడు.. వాటిని నేను ఏ మాత్రం పట్టించుకోలేదు.. వర్కౌట్స్ చేసేప్పుడు అర్ధం లేని ఇంగ్లీష్ పాటలకు బదులుగా చక్కగా మాతృభాషలోని పాటలనే వినమని అకీరాకు కూడా చెప్పేదాన్ని.. ఇప్పుడు అకిరా అలా మాతృబాష లోని సాంగ్స్ వింటూ వర్కౌట్స్ చేయడం సంతోషంగా ఉంది’ అంటూ చెప్పుకొచ్చారు.
ఈ వీడియోలో అకిరా తెలుగు పాటలను వింటూ వర్కౌట్స్ చేయడం చూసి పవర్ స్టార్ ఫ్యాన్స్ అంతా ఈ వీడియోను లైక్ చేస్తున్నారు. అకిరా కూడా చదువు తర్వాత వారసుడిగా ఇండస్ట్రీ లోకి వచ్చే అవకాశం ఉంది. ఆ సమయం కోసం ఫ్యాన్స్ ఆత్రుతగా ఎదురు చూస్తున్నారు. చూడాలి భవిష్యత్తులో ఏం జరుగుతుందో..!