Akira Nandan : పవర్ స్టార్ పవన్ కళ్యాణ్ సహా మెగా ఫ్యాన్స్ అంతా ఆసక్తిగా ఎదురు చూస్తున్న విషయం ఏదైనా ఉంది అంటే అది పవన్ కళ్యాణ్ వారసుడు అకీరా నందన్ సినీ ఎంట్రీ గురించే. అకీరా నందన్ కి సినిమాల మీద ఆసక్తి ఉందని వెల్లడి అయిన సందర్భాలు చాలా ఉన్నాయి. అయితే అది తన ఫ్యామిలీ ఫ్యాన్స్ ఎదురుచూస్తున్నట్టు నటనలో కాదు మ్యూజిక్ లో. అయితే మనోడు కటౌట్ చూస్తే మాత్రం హీరోగా వస్తే మెగా ఫ్యామిలీకి మరో బ్లాక్ బస్టర్ హీరో దొరికినట్లేనని మెగా అభిమానులు అందరూ భావిస్తూ ఉన్నారు. అయితే తాజాగా రేణు దేశాయ్ షేర్ చేసిన ఒక పిక్ ఇప్పుడు సోషల్ మీడియాలో వేగంగా వైరల్ అవుతుంది. పిక్ షేర్ చేసి అకీరా, ఆద్యలకు ఓ సలహా గురించి వారి తల్లి రేణూ దేశాయ్ చెప్పుకొచ్చింది.
ఇప్పుడు అందరూ బ్లూ టూత్, వైర్లెస్ బ్లూ టూత్ హెడ్ సెట్ లు వాడుతున్నారు కదా? ఇలాంటివి వాడితే బ్రెయిన్‌కి ఏదైనా సమస్య రావొచ్చు. అని పాతవి, వైర్‌తో ఉండే హెడ్ సెట్స్‌ను వాడమని రేణూ దేశాయ్ సలహా ఇచ్చిందట. దీంతో అమ్మ మాట మేరకు అకీరా నందన్ వైర్‌తో ఉన్న హెడ్ సెట్‌ను వాడటం మొదలు పెట్టాడట. ఈ విషయాన్ని చెబుతూ రేణూ దేశాయ్ పోస్ట్ చేయగా ఆ కంటెంట్ చూడడం మానేసి ఇప్పుడు మనోడి కటౌట్ గురించి చర్చలు జరుపుతున్నారు. అకీరా నందన్ లేలేత కోర మీసాలతో కనిపిస్తున్నాడు. అచ్చు తండ్రి పవన్ లక్షణాలతో.. ఇక మావాడు సినిమాలకు సిద్ధం అయిపోయాడు అని నెటిజన్స్ ఆనందపడుతున్నారు. ఇక కొందరేమో ఆ కటౌట్ చూడండయ్యా.. హీరో అంటే ఇలాంటి కటౌట్ కదా కావాల్సిందంటూ కామెంట్స్ చేస్తున్నారు. మెగా వారసుడు ఏమున్నాడు రా ? బాబు ఇది కదా అసలైన కటౌట్ అంటే అంటూ కామెంట్లు చేస్తున్నారు. నిజానికి తన కుమారుడికి మ్యూజిక్ మీద ఇంట్రెస్ట్ అని అందుకే ఫిల్మ్ ఇన్స్టిట్యూట్ కి వెళ్లి మరీ మ్యూజిక్ తో పాటు ఫిలిం మేకింగ్ కోర్స్ నేర్చుకుంటున్నాడని గతంలో రేణు దేశాయ్ వెల్లడించింది.
