Sudheer : సుడిగాలి సుధీర్ గురించి ప్రత్యేకంగా పరిచయం చేయాల్సిన అవసరం లేదు. ఆయన గురించి.. తన టాలెంట్ గురించి.. ఎంత చెప్పినా తక్కువే. జబర్దస్త్ కామెడీ షో ద్వారా బుల్లి తెరకు పరిచయం అయిన సుధీర్ తన కామెడీ టైమింగ్, పంచ్ డైలాగ్స్, మ్యాజిక్ ఇలా తన టాలెంట్ ప్రతి దాంట్లో నిరూపించుకుని బుల్లితెర సూపర్ స్టార్ రేంజ్ కు ఎదిగాడు. కమెడీయన్ గా వెండితెరకు పరిచయమై హీరో ఫ్రెండ్ క్యారెక్టర్లు చేస్తూ ప్రస్తుతం హీరోగా వరుసగా సినిమాలు చేస్తున్నాడు. అయితే ఆయనకు సినిమాల్లో వరసగా ఛాన్సులు రావడంతో, జబర్దస్త్‌కు గుడ్ బై చెప్పిన సంగతి తెలిసిందే. తర్వాత అగ్రహీరోల సినిమాలలో పలు క్యారెక్టర్లు పోషిస్తూ.. కెరీర్ బిజి బిజీగా గడుపుతున్నాడు. ప్రస్తుతం బుల్లితెరకు దూరం అయ్యాడు. అయితే తాజాగా ఆయన మళ్లీ స్మాల్ స్ర్రీన్ మీదకు రీ ఎంట్రీ ఇచ్చిన విషయం తెలిసిందే.
ఈటీవీలో ఫ్యామిలీ స్టార్స్ పేరుతో ఓ షోను మొదలు పెట్టాడు. ఇందులో సుడిగాలి సుధీర్ యాంకరింగ్ అందరినీ తెగ ఆకట్టుకుంటోంది. ఇదే కాకుండా ఆహాలో సర్కార్ గేమ్ షో కూడా చేస్తున్నాడు. ఈ నేపథ్యంలోనే ఈ గేమ్ షోలో పాల్గొన్న బిగ్ బాస్ కంటెస్టెంట్, నటుడు శివాజీ అలియాస్ శివన్న సుధీర్‌కు మాస్ వార్నింగ్ ఇచ్చాడు. అయితే ఈ గేమ్ షోలో నయని పావని, రతికా రోజ్ కూడా పాల్గొని సందడి చేశారు. బిగ్ బాస్ హౌసులో నుంచినయని శివాజీది డాటర్ అండ్ ఫాదర్ రిలేషన్ షిప్ మెయింటైన్ చేస్తున్నారు. బయటకూడా వీరు అలా ఫీల్ అవుతూ ఉంటారు. అయితే నయని షోలోకి ఎంట్రీ ఇవ్వగానే దొరికినంత దోచుకో అనే సాంగ్ వస్తుంది. తర్వాత సుధీర్ ఆమెను కౌగిలించుకోవడానికి వెళ్లగా, వెంటనే ఆమె శివాజీని హగ్ చేసుకుంటుంది. అప్పుడు శివాజీ, పటేసుకుందామనే అంటూ సుధీర్‌కు కౌంటర్ ఇస్తాడు. అప్పుడు నయని పావనికి సుడిగాలి సుధీర్ నచ్చజెప్పే ప్రయత్నం చేస్తాడు. అది చూసిన శివాజీ పగిలిపోద్దంటూ స్ట్రాంగ్ వార్నింగ్ ఇస్తాడు. ఇక్కడ తన ఫాదర్ ఉన్నాడు అంటూ హెచ్చరిస్తాడు. ప్రస్తుతం ఈ సీన్ అందరి నోట నవ్వు తెప్పిస్తోంది. ఇక బిగ్ బాస్ కంటెస్టెంట్స్‌తో ఈ షో చాలా సందడిగా నడుస్తోంది.
