Dhee Show : తెలుగు బుల్లితెరపై ఇటీవల కాలంలో ఎంతో మంది కుర్రాళ్లు తమ టాలెంట్ ను బయటపెట్టి స్టార్లుగా మారిపోయారు. అలాంటి వారిలో జబర్ధస్త్ ద్వారా వెలుగులోకి వచ్చి పాపులర్ అయిన హైపర్ ఆది ఒకడు. తన అద్భుతమైన కామెడీ పంచులతో అలరిస్తోన్న ఆయన.. అనతికాలంలోనే ఎన్నో అవకాశాలను దక్కించుకుని ఇటు బుల్లి తెర, అటు వెండి తెరపై తన సత్తా చాటాడు. ఇప్పుడు కూడా చేతి నిండా ఆఫర్లతో ఫుల్ బిజీగా ఉన్నాడు. ఈ నేపథ్యంలోనే తాజాగా జరిగిన ఓ షోలో హైపర్ ఆది.. శేఖర్ మాస్టర్‌పై చేసిన వ్యాఖ్యలు సంచలనంగా మారాయి. కెరీర్ మొదట్లో యూట్యూబ్‌లో స్ఫూఫ్ వీడియోలు చేసుకుంటూ గుర్తింపు తెచ్చుకున్నాడు హైపర్ ఆది. ఆ తర్వాత జబర్ధస్త్ షోలోకి ఎంట్రీ ఇచ్చాడు. తర్వాత టీమ్ లీడర్‌గా మారాడు. దీంతో కెరీర్లో వెనక్కి తిరిగి చూడాల్సిన పనిలేకుండా దూసుకుపోతున్నాడు. మరెన్నో షోలలోనూ భాగం అవుతూ బుల్లితెర స్టార్‌గా వెలుగుతున్నాడు.
ఇక కొరియోగ్రాఫర్ శేఖర్ మాస్టర్ గురించి ఎంత చెప్పుకున్నా తక్కువే. స్టార్ హీరోల సినిమాల్లో తప్పకుండా శేఖర్ మాస్టర్ కొరియోగ్రాఫర్‌గా ఉండాల్సిందే. ఈయన వేసే స్టేప్స్‌తో థియేటర్స్‌లో ఓ ఊపు రావాల్సిందే. శేఖర్ మాస్టర్ ఢీ డ్యాన్స్ షోకు జడ్జీగా వ్యవహరిస్తున్న విషయం తెలిసిందే. అయితే ఢీ షోలో.. సీక్రెట్‌గా శేఖర్ మాస్టర్ మొబైల్ తీసుకున్న హైపర్ ఆది ఆయన బండారాలన్నీ ఒక్కొక్కటిగా బయటపెట్టాడు. ఆయన చాలా మంది హీరోయిన్లతో టచ్‌లో ఉన్నట్లు సీక్రెట్ రివీల్ చేశాడు. భూమిక నుంచి వరుసగా 69 మిస్డ్ కాల్స్ ఉన్నాయని, సదా , ప్రియమణి, పూర్ణ వంటి వారికి శేఖర్ మాస్టర్ కాల్ చేశాడంటూ షాకింగ్ విషయాలు రివీల్ చేశాడు. అంతే కాకుండా ఆయన రోజూ ఏం చేస్తాడో కూడా ఉందన్నారు. వాకింగ్, ట్రెకింగ్, ఇంకో ఇంగ్ అని ఉంది.. ఇది దేనికంటూ ఫన్నీగా పంచ్ వేసి అందరినీ నవ్వించాడు. అలాగే ఆది ఫోన్ శేఖర్ మాస్టర్ కొట్టేసి, ఆది రసిక రాణితో, జింగిడి జ్యోతితో కంటిన్యూగా చాట్ చేస్తున్నాడంటూ ఫన్నీగా చెప్పుకొచ్చాడు. దీంతో ఆది తన ఫోన్ లాగేసుకున్నాడు. ఇలా శేఖర్ మాస్టర్, ఆది కామెడీ ఢీ షోకు హైలెట్‌గా మారి అందరి చేత నవ్వులు పూయించింది.
