Bigg Boss 8 కొట్లాడో మంది తెలుగు ప్రేక్షకులు ఎప్పుడెప్పుడా అని వెయ్యి కళ్ళతో ఎదురు చూస్తున్న బిగ్ బాస్ సరికొత్త సీజన్ మరో నెలరోజుల్లో ప్రారంభం కానుంది. ఇటీవలే ఈ సీజన్ కి సంబంధించిన లోగో ని టీం విడుదల చెయ్యగా, నేడు ఈ సీజన్ కి సంబంధించిన టీజర్ ని విడుదల చేసారు. సరికొత్త కాన్సెప్ట్ తో అన్ లిమిటెడ్ ఎంటర్టైన్మెంట్ తో ఈ సీజన్ ఉండబోతుందని ఈరోజు విడుదల చేసిన టీజర్ ని చూసిన తర్వాత అర్థమైంది. ఈ టీజర్ లో కమెడియన్ సత్య దొంగతనం చేసేందుకు హౌస్ లోకి అడుగుపెడతాడు. అక్కడ పాతకాలం నాటి కత్తులు, ఇతర ఆయుధాలు ఉంటాయి. ఇకపోతే నాగార్జున ఈ టీజర్ లో జీనీ గా కనిపించి అందరినీ ఆశ్చర్యపరిచాడు.
నీకు ఏమి కావాలో కోరుకోమని నాగార్జున సత్య ని అడగగా , సమయానికి నాకు ఏమి గుర్తుకురావడం లేదే అని అనగా, అప్పుడు నాగార్జున దానికి సమాధానం ఇస్తూ, అడిగేముందు ఒక్కసారి ఆలోచించుకో, ఎందుకంటే ఒక్కసారి కమిట్ అయితే అసలు లిమిట్ ఉండదు అని అంటాడు. టీజర్ పర్వాలేదు కానీ, బిగ్ బాస్ సీజన్ 7 తరహాలో కొత్తగా మాత్రం అనిపించలేదు. బిగ్ బాస్ సీజన్ 7 ప్రోమోలో ఉల్టా పల్టా అనే కాన్సెప్ట్ ఆడియన్స్ లో ఎంతో ఆసక్తి ని కలిగించింది. కానీ ఈ టీజర్ మాత్రం ఎదో అలా అలా సోసో గా అనిపించింది.
ఒక్కటైతే ఈ టీజర్ తో ఖరారు అయ్యింది, ఈ సీజన్ లో టాస్కులకు లిమిట్ ఉండదు, ఎంటర్టైన్మెంట్ కి లిమిట్ ఉండదు అని. ఇకపోతే ఈ సీజన్ లో పాల్గొనబోయే కంటెస్టెంట్స్ లిస్ట్ ఇప్పటికే సోషల్ మీడియా లో బాగా వైరల్ అయ్యింది. హీరో రాజ్ తరుణ్, ప్రభాస్ శ్రీను, గాయత్రీ గుప్తా, తేజస్విని గౌడా యాంకర్ వింధ్యా ఇలా పలువురి పేర్లు ఖరారు అయ్యినట్టు తెలుస్తుంది. దీనికి సంబంధించిన పూర్తి వివరాలు త్వరలోనే తెలియనుంది. ఈ సీజన్ లో రెండు బిగ్ బాస్ హౌస్లు ఉంటాయనే టాక్ వినిపిస్తుంది. చూడాలి మరి ఈ సీజన్ గత సీజన్ కంటే పెద్ద బ్లాక్ బస్టర్ అవుతుందా లేదా సీజన్ 6 లాగ తుస్సుమంటుందా అనేది.
