Rajinikanth : సౌత్ సూపర్ స్టార్ రజనీకాంత్ గురించి ప్రత్యేకంగా పరిచయం అక్కర్లేదు. వరుసగా ఎన్ని ఫ్లాపులు వచ్చిన ఒకే ఒక్క సినిమాతో తన స్టామినా ఏంటో నిరూపించుకునే సత్తా ఉన్న యాక్టర్ తలైవా. ఆయనకు 2023 గొప్ప సంవత్సరం. గతేడాది ఆయన నటించిన ‘జైలర్’ థియేటర్లలో విడుదలైంది. ఈ చిత్రానికి నెల్సన్ దర్శకత్వం వహించారు. ఈ చిత్రం తమిళ చిత్రసీమలో అత్యధిక వసూళ్లు సాధించిన చిత్రంగా నిరూపించబడింది. ఇప్పుడు ‘జైలర్’ తర్వాతి భాగం కోసం అభిమానులు ఆసక్తిగా ఎదురుచూస్తున్నారు. గత కొన్ని నెలలుగా ‘జైలర్’ సీక్వెల్‌ తెరకెక్కనుందనే వార్తలు జోరందుకున్నాయి. ఇప్పుడు రజనీకాంత్ అభిమానులకు ఓ శుభవార్త వచ్చింది. తాజాగా ఆయన సినిమాకు సంబంధించిన ఓ పెద్ద అప్‌డేట్ వచ్చింది.
‘జైలర్ 2’ ఫస్ట్ డ్రాఫ్ట్ రెడీ చేసి ఫైనల్ చేశారు. ఈ సారి రజనీకాంత్ క్యారెక్టర్ ని మరింత పెంచాలని చిత్ర దర్శకుడు నెల్సన్ భావిస్తున్నాడట. దీనికి రజనీకాంత్, సన్ పిక్చర్స్ కూడా అంగీకరించాయి. ఈ ఏడాది జూన్ నుంచి ఈ సినిమా ప్రీ ప్రొడక్షన్‌ కార్యక్రమాలు ప్రారంభించే అవకాశం ఉందని సమాచారం. ఈ ఏడాది చివరికల్లా రజనీకాంత్ ‘జైలర్’ని సెట్స్ పైకి తీసుకెళ్లేందుకు సన్నాహాలు చేస్తున్నారు. ప్రస్తుతం రజనీకాంత్ ‘తలైవర్ 171’ సినిమాతో బిజీగా ఉన్నారు. లోకేష్ కనగరాజ్ ఈ చిత్రానికి దర్శకత్వం వహిస్తున్నారు. ‘జైలర్ 2’ తాత్కాలిక పేరును ‘హుకుం’గా నిర్ధారించినట్లు చెబుతున్నారు. ‘జైలర్’ తర్వాత ఈ పదం రజనీకాంత్‌కు బాగా ప్రాచుర్యం పొందింది. అయితే ఇంకా ఖరారు కాలేదు. ‘జైలర్ 2’ , ‘హుకుమ్’ టైటిల్స్ విషయంలో మేకర్స్ గందరగోళంలో ఉన్నారు. అయితే దీనికి ‘హుకుం’ అని పేరు పెట్టాలని చాలా మంది అభిప్రాయపడ్డారు.
రజనీకాంత్ ఇటీవల లోకేష్ కనగరాజ్ ‘తలైవర్ 171’ ప్రోమోను చిత్రీకరించారు. దీనిని రాబోయే 10 రోజుల్లో ప్రకటించవచ్చు. ఈ చిత్రాన్ని ఈ సంవత్సరం మే-జూన్‌లో ప్రారంభించవచ్చు. ఇది ఇలా ఉంటే జైలర్ 2 సినిమా షూటింగ్ జూన్ నుంచే మొదలుపెట్టేలా ప్రణాళికలు రెడీ చేస్తున్నాడు. ఈసారి సన్ పిక్చర్స్ బడ్జెట్ ని పెద్ద ఎత్తున పెంచబోతోంది. లొకేషన్లు, క్యాస్టింగ్ వేరే లెవెల్ లో అత్యంత భారీగా ఉంటాయట. జైలర్ మొదటి భాగంలో కొడుకు, మెయిన్ విలన్ చనిపోయారు.
కాబట్టి వాళ్ళ స్థానంలో కొత్త పాత్రల మీద ప్రత్యేక కసరత్తు జరుగిందట. శివరాజ్ కుమార్ పోషించిన నరసింహ పాత్రను పొడిగించి, మోహన్ లాల్ ని కొంత మేర వాడుకునేలా ప్లాన్ చేసినట్టు వినికిడి. హీరోయిన్ అవసరం లేదు కాబట్టి వయసు మళ్లిన ముత్తువేల్ పాండియన్ విగ్రహాల దొంగలను కాకుండా ఈసారి మెడికల్ మాఫియా పని పట్టేలా డిఫరెంట్ బ్యాక్ గ్రౌండ్ సెట్ చేశారట. మ్యూజిక్ సెన్సేషన్ అనిరుధ్ ఈ సినిమాకు కూడా సంగీతం సమకూర్చబోతున్నాడు.