Rajamouli : భారతీయ సినీ ప్రేక్షకులందరికీ ఎస్ఎస్ రాజమౌళి పేరు ప్రత్యేకంగా పరిచయం చేయనవసరం లేదు. బాహుబలి ఫ్రాంచైజీ, RRR చిత్రాల ద్వారా తెలుగు సినిమాకు అంతర్జాతీయ గుర్తింపు తెచ్చిన దర్శకుడిగా రాజమౌళికి ఎనలేని గౌరవం ఉంది. తన సినిమాలే కాదు ఇతర సినిమాలు కూడా క్రియేటివ్ గా కనిపిస్తే మెచ్చుకోవడం ఆయనకు అలవాటు. ప్రస్తుతం సూపర్ స్టార్ మహేష్ బాబుతో బిగ్ పాన్ ఇండియా ప్రాజెక్ట్ తాలూకు ప్రీ ప్రొడక్షన్ పనుల్లో బిజీగా ఉన్న రాజమౌళి.. గామి చిత్ర యూనిట్ కు శుభాకాంక్షలు తెలిపారు. ఈ చిత్ర ట్రైలర్ సాంకేతికంగా అద్భుతంగా ఉందని అన్నారు. ఇన్‌స్టాగ్రామ్ స్టోరీలో, రాజమౌళి గామిపై తన అభిమానాన్ని పంచుకున్నారు. అసాధ్యం కలలు కంటూ.. కానీ వాటిని సాకారం చేసుకోవడానికి కష్టపడుతున్నాను.. నిర్మాత కార్తీక్ మరియు దర్శకుడు విద్యాధర్ నాలుగేళ్ల శ్రమ గురించి చెప్పినప్పుడు నాకు అలాగే అనిపించింది.
గామి కోసం కళ్లు చెదిరే దృశ్యాలను సాధించడానికి. మార్చి 8న విడుదల కానున్న ‘గామి’ టీమ్‌కి ఆల్‌ ది బెస్ట్‌’’ అన్నారు. మరో రెండు రోజుల్లో ప్రపంచ వ్యాప్తంగా గామి సినిమా థియేటర్లలో విడుదల కానుంది. ఇప్పటికే విడుదలైన ప్రమోషనల్ కంటెంట్ కారణంగా ఈ సినిమాపై ప్రేక్షకుల్లో భారీ అంచనాలు నెలకొని ఉన్న నేపథ్యంలో సినిమా విడుదల కోసం ఆతృతగా ఎదురుచూస్తున్న గామి టీమ్‌కి రాజమౌళి అభినందనలు చెప్పడంతో వారిలో ఉత్సాహం నింపడం ఖాయం. నూతన దర్శకుడు విద్యాధర్ కగిత దర్శకత్వం వహించిన ఈ సినిమాలో విశ్వక్ సేన్ అఘోరాగా కనిపించబోతున్నాడు. ఈ సినిమాలో చాందిని చౌదరి కూడా కీలక పాత్రలో నటించింది. కార్తీక్ శబరీష్ నిర్మించిన ఈ చిత్రానికి క్రౌడ్ ఫండింగ్ కూడా సపోర్ట్ చేసింది. మరి ‘గామి’ కోసం చిత్ర బృందం పడిన కష్టాన్ని వృధా పోనీయకుండా, రాజమౌళి చేసినంతగా ప్రేక్షకులు ఆదరిస్తారని ఆశిద్దాం.