Ananya Nagalla : తెలుగు అమ్మాయి ‘అనన్య నాగళ్ల’. ప్రస్తుతం ఈ చిన్నారి పేరు టాలీవుడ్‌లో ఎక్కువగా వినిపిస్తోంది. కేవలం క్యారెక్టర్ ఆర్టిస్ట్‌గానే కెరీర్ ప్రారంభించిన ఈ బ్యూటీ ఇప్పుడు హీరోయిన్‌గా లీడ్ రోల్స్‌లో నటిస్తోంది. ఈ క్రమంలో 2019లో విడుదలైన ‘మల్లేశం’ సినిమాతో హీరోయిన్‌గా వెండితెరకు పరిచయమైన అనన్య.. ఆ సినిమాలో తన అద్భుతమైన నటనతో ప్రేక్షకులను ఆకట్టుకుంది. దీని తర్వాత, అన్యానా 2021లో సైన్స్ ఫిక్షన్ డ్రామా చిత్రం ‘ప్లే బ్యాక్’లో మెరిసింది.
ఇదిలా ఉండగా, అదే సంవత్సరంలో, హిందీలో ‘పింక్’ రీమేక్, పవన్ కళ్యాణ్ నటించిన ‘వకీల్ సాబ్’లో ఆమెకు అవకాశం వచ్చింది. ఈ బ్యూటీకి వరుస ఆఫర్లు క్యూ కట్టాయి. ఇదిలావుంటే.. అనన్య నాగళ్ల తాజా చిత్రం ‘తంత్ర’లో కథానాయిక. అయితే ఈ సినిమా ట్రైలర్ లాంచ్ కార్యక్రమంలో అనన్యకు ఓ ప్రశ్న ఎదురైంది. దానికి ఆమె స్పందిస్తూ.. నా మనసు మార్చుకోలేదు అంటూ ఆసక్తికర వ్యాఖ్యలు చేసింది.
తాజాగా అనన్య హీరోయిన్ గా ‘తంత్ర’ సినిమాతో ప్రేక్షకులను భయపెట్టేందుకు సిద్ధమైంది. ఈ సినిమాతో పాటు ‘పొటేల్’ సినిమాని కూడా పూర్తి చేసింది ఈ బ్యూటీ. అయితే తాజాగా ఈ తంత్ర చిత్రానికి సంబంధించిన ట్రైలర్ లాంచ్ ఈవెంట్ ని ప్లాన్ చేసారు మూవీ మేకర్స్. ఈ కార్యక్రమంలో పాల్గొన్న అనన్యకు పొట్టెల్ సినిమాలోని ముద్దు సన్నివేశంపై ఓ ప్రశ్న ఎదురైంది. అలాంటి సన్నివేశాలు ఈ తంత్ర సినిమాలో కూడా ఉంటాయా అని ఓ రిపోర్టర్ అడిగాడు. దీనిపై అనన్య స్పందిస్తూ.. ‘ఆ సినిమాకు కిస్సింగ్ సీన్ చాలా అవసరం. కాబట్టి అది చేయవలసి వచ్చింది. ఈ సినిమాలో గ్లామర్, రొమాంటిక్ సన్నివేశాలతో పాటు హారర్ కూడా ఉంటుందని అనన్య చెప్పింది.
అలాగే ప్రతి ఆరు నెలలకోసారి మనిషి ఆలోచనల్లో మార్పులు వస్తుంటాయి. అలా మారకపోతే మన ఎదుగుదల ఆగిపోతుంది. ఇక ఇండస్ట్రీలోకి అడుగుపెట్టిన తొలినాళ్లలో ఏం చేసినా సినిమాల్లో అవకాశాలు వస్తాయని అనుకున్నాను. అయితే రొమాంటిక్ సన్నివేశాలు కూడా నటనలో భాగమేనని అర్థం కావడానికి కాస్త సమయం పట్టింది’ అని అనన్య చెప్పింది. సినిమా కథ, కంటెంట్‌ని బట్టి ఎలాంటి బోల్డ్‌ సీన్ చేయడానికైనా సిద్ధమని అనన్య చెప్పకనే చెప్పింది. అనన్య నటించిన తంత్ర చిత్రానికి దర్శకుడు శ్రీనివాస్ గోపిశెట్టి దర్శకత్వం వహించారు. ధనుష్ రఘుముద్రి ఇందులో హీరోగా నటిస్తున్నాడు. కాగా, ఈ చిత్రాన్ని రవి చైతన్య నిర్మిస్తున్నారు. అయితే తంత్ర సినిమా మార్చి 15న థియేటర్లలోకి రానుంది.