Trisha : స్టార్ హీరోయిన్ త్రిష కి సౌత్ లో ఏ రేంజ్ ఫ్యాన్ ఫాలోయింగ్ ఉందో ప్రత్యేకించి చెప్పనక్కర్లేదు. ఈమె వర్షం సినిమా ద్వారా మన తెలుగు ఆడియన్స్ కి బాగా దగ్గరైంది కానీ, అంతకు ముందు ఈమె తమిళంలో ఎన్నో సూపర్ హిట్ సినిమాల్లో నటించింది. అలా తెలుగు, తమిళం భాషల్లో గత రెండు దశాబ్దాల పైన నుండి ఇంకా మెయిన్ లీడ్ హీరోయిన్ గానే కొనసాగుతుంది.
ఈమె డేట్స్ కోసం ఇప్పుడు ఉన్న క్రేజీ స్టార్ హీరోలు కూడా ఎదురు చూస్తున్నారంటే ఆమె రేంజ్ ఏంటో అర్థం చేసుకోవచ్చు. ఈమె తో పాటుగా ఇండస్ట్రీ కి వచ్చిన వాళ్ళు, ఈమె తర్వాత ఇండస్ట్రీ కి వచ్చిన వాళ్ళు కూడా ఎప్పుడో ఫేడ్ అవుట్ అయిపోయారు. కానీ త్రిష మాత్రం అప్పట్లో ఎంత డిమాండ్ తో కొనసాగిందో, ఇప్పుడు కూడా అదే రేంజ్ డిమాండ్ తో కొనసాగుతుంది.
ఇదంతా పక్కన పెడితే త్రిష ఇండస్ట్రీ లోకి వచ్చిన వెంటనే హీరోయిన్ అవకాశాలు రాలేదు. ఆమె హీరోయిన్ అయ్యే ముందు పలు సినిమాల్లో సైడ్ క్యారెక్టర్స్ చేసింది. అందులో ప్రశాంత్ – సిమ్రాన్ కాంబినేషన్ లో వచ్చిన జోడి అనే చిత్రం ఒకటి. 1999 వ సంవత్సరం లో విడుదలైన ఈ సినిమా అప్పట్లో తమిళనాడులో పెద్ద బ్లాక్ బస్టర్ హిట్ అయ్యింది. ఈ సినిమాలో త్రిష సిమ్రాన్ కి స్నేహితురాలిగా నటించింది. అంతే కాదు ఈ సినిమాకి డైరెక్టర్ డిపార్ట్మెంట్ లో కూడా పని చేసిందట.
అంటే హీరోయిన్ కి సంబంధించిన సన్నివేశాలకు ఈమె అసిస్టెంట్ డైరెక్టర్ గా పనిచేసిందట. ఈ విషయం ఇప్పటి వరకు చాలా మందికి తెలియదు. త్రిష లో ఈ టాలెంట్ కూడా ఉందా అని ఈ విషయం తెలిసాక అభిమానులు ఆశ్చర్యపోతున్నారు. ఇకపోతే త్రిష ప్రస్తుతం తెలుగు లో మెగాస్టార్ చిరంజీవి హీరోగా నటిస్తున్న ‘విశ్వంభర’ చిత్రంలో హీరోయిన్ గా నటిస్తుంది.
