Hanuman : రీసెంట్ గా చిన్న సినిమాగా విడుదలై బాక్స్ ఆఫీస్ వద్ద ప్రకంపనలు సృష్టించిన చిత్రం ‘హనుమాన్’. ప్రశాంత్ వర్మ దర్శకత్వం లో తేజ సజ్జ హీరో గా నటించిన ఈ సినిమా సంక్రాంతి కానుకగా విడుదలై భారీ బ్లాక్ బస్టర్ హిట్ గా నిల్చి ఇప్పటికీ థియేటర్స్ లో విజయవంతంగా నడుస్తుంది. ట్రేడ్ పండితుల లెక్క ప్రకారం ఈ చిత్రానికి ఇప్పటి వరకు 300 కోట్ల రూపాయిల గ్రాస్ వసూళ్లు వచ్చాయి.
ఈ రేంజ్ వసూళ్లు ఇప్పటి వరకు కొంతమంది స్టార్ హీరోలకు కూడా లేకపోవడం విశేషం. కేవలం తెలుగు లో మాత్రమే కాకుండా, హిందీ లో కూడా ఈ చిత్రానికి దాదాపుగా 75 కోట్ల రూపాయలకు పైగా గ్రాస్ వసూళ్లు వచ్చాయి. ఈ సినిమాకి సీక్వెల్ గా ‘జై హనుమాన్’ అతి త్వరలోనే సెట్స్ మీదకి వెళ్లనుంది. దీనికి సంబంధించిన పూర్తి వివరాలు త్వరలోనే రానున్నాయి.
ఇదంతా పక్కన పెడితే హీరో నితిన్ రీసెంట్ గా జరిగిన ఒక ఇంటర్వ్యూ లో హనుమాన్ చిత్రం గురించి పరోక్షంగా ప్రస్తావించాడు. ఒక యాంకర్ నితిన్ ని ఒక ప్రశ్న అడుగుతూ మీరు నటించిన సినిమాలలో మీకు బాగా ఇష్టమైన చిత్రం ఏమిటి?, ఏ సినిమాని రీమేక్ చెయ్యాలని ఇష్టపడుతారు అని అడగగా, దానికి నితిన్ సమాధానం చెప్తూ ‘నా మనసుకి బాగా ఇష్టమైన సినిమా శ్రీ ఆంజనేయం. అప్పట్లో ఒక మోస్తారు గా ఆడింది కానీ, అనుకున్న రేంజ్ కి మాత్రం పోలేదు. చిన్న చిన్న తప్పులు ఉన్నాయి, అవి సరిచేసి ఇప్పుడు చేసి ఉంటే హనుమాన్ కంటే పెద్ద హిట్ అయ్యేది’ అంటూ చెప్పుకొచ్చాడు.
నితిన్ చెప్పింది నిజమే, ‘శ్రీ ఆంజనేయం’ చిత్రం ‘హనుమాన్’ కంటే బాగుంటుంది అనే ఫీలింగ్ చాలా మందిలో ఉంది. ఆరోజుల్లోనే డైరెక్టర్ కృష్ణవంశీ గ్రాఫిక్స్ అదరగొట్టేసాడు. కానీ దేవుడి పేరు పెట్టుకున్న సినిమాలో ఛార్మి అందాల ఆరబోత హద్దులు దాటడం అప్పట్లో వివాదం అయ్యింది. అందుకే ఈ సినిమా పెద్ద రేంజ్ కి వెళ్ళలేదు అనే ఫీలింగ్ చాలామంది లో ఉంది.
