Prabhas : సినిమాల్లో హీరో , విలన్ మధ్య వచ్చే ఫైట్ సన్నివేశాలు మొత్తం నిజంగా కొట్టుకునేవి కాదు, కేవలం ఓవర్ లాప్ మాత్రమే చేస్తారు అనే విషయం మన అందరికీ తెలిసిందే. కానీ కొంతమంది నటులు మాత్రం సన్నివేశం లో ఎమోషన్ కోసం నిజంగానే కొట్టుకున్న సందర్భాలు చాలానే ఉన్నాయి. అలా ప్రభాస్ విషయం లో కూడా జరిగింది. పూర్తి వివరాల్లోకి వెళ్తే ఆయన హీరో గా నటించిన ఛత్రపతి సినిమా ఆ రోజుల్లో ఎంత పెద్ద హిట్ అయ్యిందో అందరికి తెలిసిందే.
పెద్దగా రికార్డ్స్ ఏమి నెలకొల్పలేదు కానీ, ప్రభాస్ ని మాత్రం స్టార్ హీరో గా నిలబెట్టింది ఈ చిత్రం. ఇందులో ఉండే యాక్షన్ సన్నివేశాలు ప్రేక్షకులకు ఎంత కిక్ ని ఇస్తుందో, సెంటిమెంట్ సన్నివేశాలు అంతలా ఏడిపిస్తాయి. ముఖ్యంగా కాట్ రాజ్ తో వచ్చే పోరాట సన్నివేశం అప్పట్లో ఎంతపెద్ద హిట్ అయ్యిందో మన అందరికి తెలుసు.
ఈ సన్నివేశం లో కాట్ రాజ్ పాత్రధారి సుప్రీత్ రెడ్డి ప్రభాస్ ని సముద్రపు ఒడ్డున ఒక కర్ర తీసుకొని దారుణంగా కొట్టే షాట్ మీ అందరికీ గుర్తు ఉండే ఉంటుంది. ఈ షాట్ గురించి ప్రభాస్ మాట్లాడుతూ ‘ఛత్రపతి లో సుప్రీత్ కి నాకు ఒక ఫైట్ సన్నివేసం ఉంటుంది. ఈ సన్నివేశం లో సుప్రీత్ సముద్రం ఒడ్డున ఉన్న కర్రతో నన్ను కొడుతాడు. అతను ఆ కర్రతో కొడుతున్నప్పుడు నాకు నిజంగానే నొప్పి వచ్చింది. ఇదేంటి నిజం కర్రతో, నిజంగానే కొడుతున్నాడు అనుకున్నాను. కానీ అది నిజమైన కర్ర కాదు, కేవలం ఆ ఫీల్ రప్పించడం కోసం ఆ కర్ర ఎప్పటి నుండో ఏళ్ళ తరబడి బీచ్ లో ఉన్నట్టు రాజమౌళి తయారు చేయించాడు. ఆ డిటైలింగ్ చూసి ఆశ్చర్యపోయాను’ అంటూ ప్రభాస్ ఈ సందర్భంగా చెప్పుకొచ్చాడు.
