Hanuman : స్టార్ హీరోల సినిమాలు రిలీజ్ రేస్ లో ఉన్నా కూడా వెనకడుగు వేయకుండా థియేటర్స్ లోకి వచ్చిన సినిమా హనుమాన్. తేజ సజ్జా హీరోగా ప్రశాంత్ వర్మ దర్శకత్వంలో రూపొందిన ఈ సినిమా తొమ్మిది దశాబ్దాల తెలుగు సినిమా సంక్రాంతి హిస్టరీలోనే బిగ్గెస్ట్ హిట్ గా నిలిచింది. చిన్న సినిమాగా రిలీజై 300 కోట్లు కలెక్ట్ చేసి పాన్ ఇండియా హిట్ గా నిలిచింది హనుమాన్ మూవీ. నార్త్ లో 50 కోట్లు కలెక్ట్ చేయడం హనుమాన్ సినిమా బిగ్గెస్ట్ అచీవ్మెంట్ అనే చెప్పాలి. ఇండియాలోనే కాదు ఓవర్సీస్ లో కూడా హనుమాన్ మూవీ మాస్ ర్యాంపేజ్ ని క్రియేట్ చేసింది. తెలుగు స్టార్ హీరోల కలెక్షన్స్ ని కూడా దాటేసి హనుమాన్ సినిమా నార్త్ అమెరికాలో 8 మిలియన్ డాలర్స్ కి కలెక్ట్ చేసింది. రాజమౌళి, ప్రభాస్ సినిమాల తర్వాత ప్లేస్ లో హనుమాన్ మూవీ ఉంది.
ఈ రేంజ్ అచీవ్మెంట్ కి సాధించిన హనుమాన్ థియేటర్స్ లోకి వచ్చి నెల రోజులు దాటి అయిదవ వారంలో ఉంది. ఫిఫ్త్ వీక్ లో కూడా హనుమాన్ బుకింగ్స్ మల్టీప్లేక్స్ లో బాగానే ఉన్నాయి. ఇప్పటికీ కొన్ని సెంటర్స్ లో స్ట్రాంగ్ హోల్డ్ ని మైంటైన్ చేస్తూనే ఉంది హనుమాన్ సినిమా. ఫిబ్రవరిలో కొత్త సినిమాలు రిలీజైనా కూడా హనుమాన్ సినిమా కలెక్షన్స్ డేడ్ లో కనిపించట్లేదు. ఈ కారణంగానే హనుమాన్ సినిమా ఇంకా ఒటీటీలో రిలీజ్ అవ్వలేదు. ఇప్పుడు హనుమాన్ మేకర్స్ మాస్టర్ ప్లాన్ వేస్తూ… టికెట్ రేట్స్ ని మరింతగా తగ్గించారు. వంద రూపాయలకే హనుమాన్ టికెట్స్ అంటూ మేకర్స్ ప్రమోషన్స్ కూడా స్టార్ట్ చేసారు. ఫిబ్రవరి 23 వరకూ హనుమాన్ సినిమాని వంద రూపాయలకే చూసేయొచ్చు. మరి సిని అభిమానులు హనుమాన్ సినిమాని మరోసారి థియేటర్స్ లో చూడాలి అనుకుంటే ఈ వీక్ వెళ్లిపోయి చూసేయొచ్చు.