స్టైలిష్ స్టార్ అల్లు అర్జున్ ని ఇకన్ స్టార్ అల్లు అర్జున్ గా మార్చేస్తూ క్రియేటివ్ డైరెక్టర్ సుకుమార్ చేసిన పుష్ప ది రైజ్ సినిమా పాన్ ఇండియా హిట్ అయ్యింది. పుష్ప మ్యానరిజమ్స్ ఒక మేనియాలా వరల్డ్ వైడ్ స్ప్రెడ్ అయ్యి, సెలబ్రిటీలు కూడా ఫాలో అయ్యారు. పుష్ప పార్ట్ 1కి వచ్చిన క్రేజ్ ని దృష్టిలో పెట్టుకోని సుకుమార్ పార్ట్ 2 పుష్ప ది రూల్ ని మరింత లావిష్ గా, బెస్ట్ సినిమాటిక్ ఎక్స్పీరియన్స్ ఇచ్చేలా తెరకేక్కిస్తున్నాడు. బడ్జట్ రెస్ట్రిక్షన్స్ పెట్టుకోకుండా భారీగా తెరకెక్కుతున్న పుష్ప ది రూల్ ఆగస్ట్ 15న ఆడియన్స్ ముందుకి రావడానికి రెడీ అవుతోంది. షెకావత్ సార్ కి పుష్పరాజ్ కి మధ్య ఎపిసోడ్స్ గూస్ బంప్స్ తెచ్చేలా ఉంటాయి అని చిత్ర యూనిట్ కాన్ఫిడెంట్ గా ఉంది. ఇటివలే గంగమ్మతల్లి జాతర ఎపిసోడ్ ని కంప్లీట్ చేసిన సుకుమార్… పుష్ప ఫ్రాంచైజ్ ని పార్ట్ 2తో ఎండ్ చేయకుండా, పార్ట్ 3 కూడా ప్లాన్ చేస్తున్నాడు అనే న్యూస్ గత కొన్ని రోజులుగా వినిపిస్తూనే ఉంది. ఈ విషయంలో ఇప్పుడు అల్లు అర్జున్ కూడా హింట్ ఇవ్వడం విశేషం.
పుష్ప 3 గురించి మాట్లాడిన అల్లు అర్జున్… “మీరు ఖచ్చితంగా పుష్ప 3ని ఆశించొచ్చు. మేము దీన్ని ఒక ఫ్రాంచైజీగా మార్చాలనుకుంటున్నాం. దీని లైనప్ కోసం మాకు అద్భుతమైన ఆలోచనలు ఉన్నాయి. ఇక పుష్ప 2 విషయానికొస్తే మీరు పుష్ప 1లో చూసిన దానికంటే ఇందులో హీరో పాత్రకి డిఫరెంట్ షేడ్ ఉంటుంది. క్యారెక్టరైజేషన్ పరంగా పుష్ప 1లో చూసింది చాలా తక్కువ. కానీ పుష్ప 2లో అసలు క్యారెక్టర్ చూస్తారు. అన్ని విధాలుగా పుష్ప 2.. ఫస్ట్ పార్ట్ కంటే చాలా అద్భుతంగా ఉంటుంది. ఇప్పటివరకు కేవలం ఆ ఏరియాకే పరిమితమైన పుష్ప పేరు.. పార్ట్ 2లో జాతీయ, అంతర్జాతీయ స్థాయిలో వినబడుతుంది” అని చెప్పేసాడు. బన్నీ కన్ఫర్మేషన్ ఇచ్చేసాడు కాబట్టి పార్ట్ 3గా రానున్న సినిమాకి పుష్ప ది రోర్ టైటిల్ లాక్ అయ్యే అవకాశం ఉంది.