Salman Khan : బాలీవుడ్ స్టార్ హీరో సల్మాన్ ఖాన్ ఇటివలే టైగర్ 3 సినిమాతో ఆడియన్స్ ముందుకి వచ్చాడు. యష్ రాజ్ స్పై యూనివర్స్ నుంచి వచ్చిన ఈ మూవీలో కింగ్ ఖాన్ షారుఖ్ ఖాన్ క్యామియో ప్లే చేసాడు. దాదాపు ఇరవై అయిదు నిమిషాల పాటు షారుఖ్ సల్మాన్ కలిసి తెరపై కనిపించినా కూడా బాక్సాఫీస్ దగ్గర ఇంపాక్ట్ కనిపించలేదు. ఈ ఇద్దరు బాలీవుడ్ బిగ్గెస్ట్ స్టార్స్ బాక్సాఫీస్ దగ్గర ఆశించిన స్థాయిలో కలెక్షన్స్ ని రాబట్టలేకపోయారు. దీంతో సల్మాన్ ఖాన్ ఫ్లాప్ స్ట్రీక్ కంటిన్యు అవ్వాల్సి వచ్చింది. ఈ స్ట్రీక్ ని బ్రేక్ చేయడానికి సల్మాన్ ఖాన్ కోలీవుడ్ టాలెంటెడ్ డైరెక్టర్ మురుగదాస్ తో సినిమా చేయాల్సి ఉంది. మురుగదాస్ చెప్పిన ఆర్మీ ఆఫీసర్ కథ నచ్చడంతో సల్మాన్ ఖాన్ సినిమా చేయడానికి గ్రీన్ సిగ్నల్ ఇచ్చాడని కూడా బాలీవుడ్ లో టాక్ వినిపించింది.
సల్మాన్ ఖాన్, మురుగదాస్ కలిసి సినిమా చేసేస్తారు… త్వరలో అఫీషియల్ అనౌన్స్మెంట్ కూడా వస్తుంది అనుకుంటున్న సమయంలో సల్మాన్ కి షాక్ ఇస్తూ మురుగదాస్… శివ కార్తికేయన్ తో సినిమా స్టార్ట్ చేసాడు. SK23 అనే వర్కింగ్ టైటిల్ తో అనౌన్స్ అయిన ఈ సినిమా పూజా కార్యక్రమాలు పూర్తి చేసుకోని, రెగ్యులర్ షూటింగ్ కి రెడీ అవుతోంది. ఈ సినిమా కారణంగా మురుగదాస్, సల్మాన్ ఖాన్ సినిమా హోల్డ్ అయ్యింది. మురుగదాస్ వేరే సినిమా స్టార్ట్ చేయడంతో… ఇప్పుడు సల్మాన్ ఖాన్, షేర్షా ఫేమ్ విష్ణువర్ధన్ దర్శకత్వంలో సినిమా చేయడానికి రెడీ అవుతున్నాడు. కరణ్ జోహార్ ప్రొడక్షన్ లో ఈ సినిమా ఉండే అవకాశం ఉంది.