Kiran Abbavaram ఈమధ్య కాలంలో ఇండస్ట్రీ కి వచ్చిన యంగ్ హీరోలలో అతి తక్కువ సమయంలోనే తనకంటూ ఒక ప్రత్యేకమైన మార్కుని ఏర్పాటు చేసుకున్న వారిలో ఒకడు కిరణ్ అబ్బవరం. ‘రాజావారు రాణివారు’ అనే చిత్రం తో ఇండస్ట్రీ లోకి అడుగుపెట్టిన కిరణ్ అబ్బవరం, ఆ తర్వాత ‘ఎస్ ఆర్ కల్యాణమండపం’, ‘సమ్మతమే ‘ , ‘వినరో భాగ్యము విష్ణు కథ’ వంటి సూపర్ హిట్ సినిమాలతో తనకంటూ ఒక ప్రత్యేకమైన మార్కెట్ ని ఏర్పాటు చేసుకున్నాడు.
కానీ ఈమధ్య కాలంలో ఆయన హీరో గా నటించిన సినిమాలన్నీ వరుసగా డిజాస్టర్ ఫ్లాప్స్ అవుతూ వచ్చాయి. దీంతో కిరణ్ అబ్బవరం కెరీర్ ఒక్కసారిగా డైలమా లో పడింది. ఎలాంటి బ్యాక్ గ్రౌండ్ లేకుండా వచ్చిన ఒక కుర్రాడు, పెద్ద పెద్ద ప్రొడక్షన్ సంస్థల్లో పనిచేసే రేంజ్ కి వచ్చాడు, భవిష్యత్తులో పెద్ద స్టార్ అవుతాడు అనుకుంటే, ఇలా వరుసగా ఫ్లాప్స్ అందుకుంటున్నాడేంటి అని ఆయన అభిమానులు బాగా ఫీల్ అయ్యారు.
ఇదంతా పక్కన పెడితే కిరణ్ అబ్బవరం కేవలం నటుడు మాత్రమే కాదు, స్క్రీన్ ప్లే రైటర్, మరియు దర్శకుడు కూడా. ఆయన మొదటి రెండు సినిమాలకు కథ, మాటలు, స్క్రీన్ ప్లే కూడా అందించాడు. కుర్రాడిలో అంత టాలెంట్ ఉంది అన్నమాట. అయితే రీసెంట్ గా జరిగిన ఒక ఇంటర్వ్యూ లో కిరణ్ అబ్బవరం ని ఒక యాంకర్ ‘ఇప్పుడు ఉన్న హీరోలలో మీరు ఒకవేళ డైరెక్షన్ చెయ్యాలి అనుకుంటే ఏ హీరో తో చేస్తారు’ అని అడుగుతారు.
దానికి కిరణ్ అబ్బవరం సమాధానం చెప్తూ ‘నేను చిన్నప్పటి నుండి ఎంతో అభిమానించిన హీరో పవర్ స్టార్ పవన్ కళ్యాణ్. ఆయన్ని వెండితెర మీద ఎలా చూస్తే ఫ్యాన్స్ ఆనందిస్తారో నాకు బాగా తెలుసు. అందుకే ఆయన సినిమాకి దర్శకత్వం వహించి పెద్ద బ్లాక్ బస్టర్ హిట్ ని అందిస్తా’ అంటూ కిరణ్ అబ్బవరం చెప్పుకొచ్చాడు.
