Vishwak Sen : ఇండస్ట్రీ లోకి వచ్చిన అతి తక్కువ సమయం లోనే తనకంటూ ఒక ప్రత్యేకమైన గుర్తింపుని తెచ్చుకున్న హీరోలలో ఒకడు విశ్వక్ సేన్. టాలెంట్ ఉంటే చాలు బ్యాక్ గ్రౌండ్ ఇమేజి అక్కర్లేదు అని నిరూపించిన హీరోలలో ఈయన ఒకడు. తరుణ్ భాస్కర్ దర్శకత్వం లో తెరకెక్కిన ‘ఈ నగరానికి ఏమైంది’ అనే సినిమా ద్వారా ఇండస్ట్రీ కి పరిచయమైన విశ్వక్ సేన్, ఆ సినిమా తర్వాత ఆయన ‘ఫలక్ నూమా దాస్’ అనే సినిమా తో హీరో గా చేస్తూనే డైరెక్షన్ కూడా చేసిన సంగతి తెలిసిందే.
ఈ సినిమా తర్వాత ఆయన ‘హిట్’ అనే సూపర్ హిట్ సినిమాలో నటించాడు. ఇక ఆయన చివరి పాగల్ తో కేవలం హీరో గా మాత్రమే కాకుండా డైరెక్టర్ గా, నిర్మాతగా కూడా వ్యవహరించాడు. ఈ సినిమా పెద్ద హిట్ అయ్యింది. ఆ తర్వాత ఆయన కొద్దిగా గ్యాప్ తీసుకొని ‘గ్యాంగ్స్ ఆఫ్ గోదావరి’ , ‘గామీ’ వంటి సినిమాలు చేసాడు.
వీటిల్లో ముందుగా ‘గ్యాంగ్స్ ఆఫ్ గోదావరి’ అనే సినిమా ప్రేక్షకుల ముందుకు రావాలి, కానీ ఆ సినిమా ఎందుకో వాయిదా పడింది. ఆ చిత్రానికి బదులుగా ‘గామీ’ అనే చిత్రాన్ని మార్చి 8 వ తారీఖున విడుదల చెయ్యబోతున్నాడు విశ్వక్ సేన్. ఈ సినిమాలో ఆయన ‘అఘోరా’ గా కనిపించబోతున్నాడు. రీసెంట్ గా విడుదలైన టీజర్ కి అద్భుతమైన రెస్పాన్స్ వచ్చింది.
ఈ సినిమా టీజర్ కి సంబంధించి ఏర్పాటు చేసిన చిన్న ఈవెంట్ లో విశ్వక్ సేన్ మాట్లాడుతూ ఈ సినిమా షూటింగ్ సమయం లో జరిగిన కొన్ని సంఘటనలను చెప్పుకొచ్చాడు. ఆయన మాట్లాడుతూ ‘ ఈ సినిమా షూటింగ్ ని మేము వారణాసి లో చాలా రోజులు చేసాము. అక్కడ మేము ఒక కుంభమేళా కూడా ఏర్పాటు చేసాము. నన్ను అక్కడి ఉన్న ఒక ముసలావిడ నిజమైన అఘోర అనుకొని నాకు అన్నం, టీ బిక్షగా వేసింది’ అంటూ విశ్వక్ సేన్ మాట్లాడిన ఈ మాటలు ఇప్పుడు సోషల్ మీడియా లో వైరల్ గా మారాయి.
